Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.
Jeremías 51:2 - Qullan Arunaca Babilonia marcarusti, uñisirinacapampejj cunjämatejj trigojj thayampi thalsutajja uqhamaracwa thalsuyäjja, marcapsti jan mä jakenwa jaytaraquini. Cuna urutejj uca jach'a aynacht'añap urojj purincani ucapachasti take toketwa juparojj nuwantapjjani. Aymar Bibliia 1986 Babilonia marcarusti, uñisirinacapampejj cunjämatejj trigojj thayampi thalsutajja uqhamaracwa thalsuyäjja, marcapsti jan mä jakenwa jaytaraquini. Cuna urutejj uca jach'a aynacht'añap urojj purincani ucapachasti take toketwa juparojj nuwantapjjani. Qullan Arunaka DC Babilonia markarusti, uñisirinakapampix kunjämatix trigox thayampi thalsutaxa ukhamarak thalsuyä, uraqipsti jan mä jaqin jaytarakï. Aynacht'añ urupax purinkani ukapachasti, taqi tuqit juparux muyuntapxani. |
Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.
Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni.
Jakenacamarusti t'unjama willitataractjja, aca orakenquir marcanacat apsusajja. Marcajjarusti jan wawanacani antutaractjja, t'unjaractwa jan uca ñankha jacañap apanucuñ munatap laycu.
“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.
Ñankha marca, lanctasisinjja liwisiraquïtawa, janiw qhitis waytcaraquïtamti. Take marcanacamsti ninampiw phichcataraquï, uca ninasti take uca jumar muytata chekanacwa k'ala naqhantaraquini.”
Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.
Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.