Jeremías 51:10 - Qullan Arunaca

Tatituw jiwasan luräwinacasjja khanaru apsu. Jichhajj Sionar sarjjapjjañäni, ucan jact'araquiñäni cuntejj Tatitu Diosasajj jiwasanacataqui lurqui ucanaca.

Aymar Bibliia 1986

Tatituw jiwasan luräwinacasjja khanaru apsu. Jichhajj Sionar sarjjapjjañäni, ucan jact'araquiñäni cuntejj Tatitu Diosasajj jiwasanacataqui lurqui ucanaca.

Qullan Arunaka DC

Tatituw jiwasarux chiqapar uñjistu. Jichhax Jerusalenar sarxapxañäni, kuntix Tatitusax jiwasanakatak lurki ukanak yatiyaniñäni.

Jeremías 51:10 Jak'a apnaqawi uñst'ayäwi

Salmos 118:17

Janiw jiwcäti, Tatitun luratanacap yatiyañataquejj jacascaquïwa.

Salmos 37:6

Asqui cancañamarojj willjtar uñtat khantayani, asqui sarnakatamsti chicürjam khanayani.

Salmos 64:9

Takeniw ucapachajj Diosar jach'añchapjjani, luräwinacapat yatiyapjjani; luratanacap amuyjjapjjaraquini.

Salmos 66:16

Diosar arquirinaca, ist'ir jutapjjam, nayatac luratanacap yatiyapjjäma:

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Isaías 24:14

Kheparirinacasti cusisiñat arnakasipjjani, inti jalanta toketpachwa arnakasinipjjani Tatitun jach'a cancañap uñjasajja.

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 51:11

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Jeremías 50:45

Cuntejj naya Tatitojj Babilonia marcataqui amtcta uca amtäwinacajj ist'apjjeta, cuntejj caldeonacan marcapataqui amtcta ucanaca. Jisc'a ovej kallunacampacharuw apasjjapjjani, uywa awatïwinacapasti k'ala t'unjataw uñjasiraquini.