Jeremías 48:19 - Qullan Arunaca

Aroer marca, thaqui jac'aru sayt'asim, uñatataraquim; qhitinacatejj jacasipqui ucanacarusti jisct'araquim, ‘¿Cunas aca chekan lurasi?’ sasa.

Aymar Bibliia 1986

Aroer marca, thaqui jac'aru sayt'asim, uñatataraquim; qhitinacatejj jacasipqui ucanacarusti jisct'araquim, ‘¿Cunas aca chekan lurasi?’ sasa.

Qullan Arunaka DC

Aroer markankirinaka, thakhi jak'ar sayt'asisin uñtapxam; khitinakatix jaltxapxi ukanakar jiskt'apxam, ‘¿Kunas aka chiqan lurasi?’ sasa.

Jeremías 48:19 Jak'a apnaqawi uñst'ayäwi

2 Samuel 24:5

Jordán jawira maqhatawayapjjäna, Aroer marcatwa kalltapjjäna, cawquïri marcatejj valle taypina jicjjatascän ucata, Gad uqhamaraqui Jazer sisqui ucsaru sarañanquiwa.

1 Crónicas 5:8

uqhamarac Bela, jupasti Asaz chachan yokapänwa, Sema chachan allchhiparaqui, jupasti Joel chachan yokapänwa. Bela chachasti jacänwa Aroer chekana, ucatsti jupan orakepajja Nebu, Baal-meón ucacamänwa.

Números 32:34

Gad tribun jakenacapajj Dibón, Atarot, Aroer marcanacwa wastata lurapjjäna,

Deuteronomio 2:36

Cawquïri marcatï Arnón jawirampi chicäqui, Aroer sat marca, ucatsti cawquïri marcatï valle chekancqui ucatpacha Galaad orakcamajj janiw cawquïri marcas jiwasan amparanacasatjja jaltirjamäpcänti, jiwasan Tatitu Diosasasti take marcanacwa amparasar catuyaraquistu.

Josué 12:2

Uqhamaraqui amorreonacan Sehón sutini reyipa, cawquïritï Hesbón marcan jaccäna. Jupan orakepasti Aroer sat chekatänwa Arnón sat jawircama, ucatsti chica vallet Jaboc sat jawircama, cawqhattï amonitanacan orakepajj kalltäna uca chekata. (Galaad oraketjja niya chicatjamawa.)

Jueces 11:26

Nanacasti Hesbón, Aroer, uqhamarac uca jac'anquir orakenacansa, Arnón sat jawir thiyanquir marcanacansa quimsa pataca maranacaw jacjjapjjtjja, ¿cunatraqui uca maranacansti jumanacajja jan arsusipjjestasti?

1 Samuel 4:16

Uca jakesti Elí sacerdoterojj sänwa: —Jichhaquiw nuwasïwit jaltanisina purinta —sasa. —Waway, ¿cunsa jichhajj camachasipqui? —sasaw Elí sacerdotejj jisct'araquïna.