Jeremías 46:2 - Qullan Arunaca

Egipto marca toketsti aca arunacwa churaraquïna, uqhamaraqui Egipton reyipa Necao sat faraonan ejercitop toketsa. Uca ejercitosti Carquemis sisqui ucanwa jicjjatasïnjja, Eufrates sisqui uca jawir jac'ana. Uca ejercitorusti Nabucodonosor reyiw nuwantasin atipjaraquitayna cunapachatejj Josías jaken Joacim yokapa pusi mara Judá marcaru apnakcatayna uca mara:

Aymar Bibliia 1986

Egipto marca toketsti aca arunacwa churaraquïna, uqhamaraqui Egipton reyipa Necao sat faraonan ejercitop toketsa. Uca ejercitosti Carquemis sisqui ucanwa jicjjatasïnjja, Eufrates sisqui uca jawir jac'ana. Uca ejercitorusti Nabucodonosor reyiw nuwantasin atipjaraquitayna cunapachatejj Josías jaken Joacim yokapa pusi mara Judá marcaru apnakcatayna uca mara:

Qullan Arunaka DC

Egipto markatsti aka arunak säna, qhanpachanxa Egipton reyipa Necao sat faraonan ejercitopat säna. Uka ejercitosti Carquemis sata chiqan jikxatasïna, Éufrates sat jawir jak'ana. Uka ejercitorusti Nabucodonosor reyiw nuwantasin atipjatayna, kunapachatix Josías jaqin Joacín yuqapax pusi mara Judá marka apnaqkäna uka mara:

Jeremías 46:2 Jak'a apnaqawi uñst'ayäwi

2 Reyes 18:21

Nayajj uñjtwa Egiptor alcatasitama. Uqhamajj waliquiwa, ucampis Egiptojja mä ch'ajj-jjata sokosar uñtataquiwa, ucatsti qhititejj ucar alcatasini ucan amparaparojj ch'aphintasinjja junuranttaniwa. Egipton faraón reyipajja uqhamacwa luri, qhitinacatejj jupar alcatasipqui ucanacarojja.

2 Reyes 23:29

Jupan urunacapansti Egiptonquir faraón Necao sat reyejja, Eufrates sat jawiraruwa saräna Asiria marcanquir reyiru yanapañataqui. Josías reyisti jupar jicjjatiriw mistüna, ucampis Meguido sat chekanwa Necao sat faraonajj jupar uñjasinjja jiwayäna.

2 Reyes 23:33

Ucatjja Necao sat faraonajja juparojj Hamat sat orakena, Ribla chekanwa preso catuntäna, jan Jerusalén marcan apnakañapataqui; ucatjja marcarojja mayïnwa impuesto pagapjjañapataqui quimsa waranka quimsa patacani kilo kollkenaca, uqhamarac quimsa tunca quimsani kilo korinacaraqui.

2 Reyes 24:7

Ucat ucsarusti Egiptonquir reyejj janiw wastatampi orakepata mistuncjjänti, Babilonianquir reyiwa take orake catuntasjjäna, Egipto jawirata, Eufrates jawircama uca laycu.

Isaías 10:9

Nayataquejj Calno, uqhamaraqui Carquemis marcanacajj mayaquiwa, Hamat marcas Arfad marcampejj mayaquiwa, Samaria marcas Damasco marcampejj mayaquiraquiwa.

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Isaías 19:19

Egiptonsti uca urunjja mä altaraw utjaraquini Tatitur loktata, korpanacap jac'ansti mä kalaraquiw sayt'ayatäni Tatitutac sata.

Jeremías 25:1

Cunapachatejj Josiasan yokapa Joacim reyejj Judá orake pusi mara apnakcäna, ucapachaw Tatitojj Jeremiasaru parläna, aca yatiyäwinaca take Judá marcpachataqui. Uca maraw Nabucodonosorajj mä mara Babilonia orake apnakañ kalltascäna.

Jeremías 25:19

Uqhamaraquiw Egipto marcan reyipa faraonarus churaracta umañapataqui, jilïrinacaparusa, take qhitinacatejj jupampïqui ucanacarusa take jakenacaparusa,

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 36:1

Josiasan yokapa, Joacim reyejj Judá orake pusi mara apnakcän ucapachaw Tatitojj Jeremiasaru parläna, saraquïnwa:

Jeremías 43:11

Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Jeremías 45:1

Josías chachan Joacim sat yokapajj niya pusi mara Judá oraken reyïcän ucapachawa, Nerías jaken Baruc yokapajj cuntejj Jeremías profetajj kellkayascäna, ucapachaw Jeremiasajj Baruc chacharojj säna:

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!