Jeremías 40:12 - Qullan Arunaca

Uqhamasti Judá orakercamaw cuttanjjapjjäna take chekanacata cawcsanacarutejj aywinucuwayapcatayna ucsanacata, ucatsti Gedaliasan nayrakataparuw uñstapjjäna Mizpa chekana. Jupanacasti uqhamaraqui walja vino, uqhamaraqui achunaca imcatapjjaraquïna.

Aymar Bibliia 1986

Uqhamasti Judá orakercamaw cuttanjjapjjäna take chekanacata cawcsanacarutejj aywinucuwayapcatayna ucsanacata, ucatsti Gedaliasan nayrakataparuw uñstapjjäna Mizpa chekana. Jupanacasti uqhamaraqui walja vino, uqhamaraqui achunaca imcatapjjaraquïna.

Qullan Arunaka DC

Ukhamasti kawksanakarutix aywinukuwayapkatayna uksanakata, Judá uraqirkamaw kuttanxapxäna, ukatsti Mispá chiqan Guedaliasan nayraqataparuw uñstapxäna. Jupanakasti uka kipkarakiw walja vinompi, achunakampi imkatapxäna.

Jeremías 40:12 Jak'a apnaqawi uñst'ayäwi

Proverbios 27:25

Cunapachatï pastonacasa, ch'ojjñatatcani ucqhawa, jumajj uywamataqui kolluta alinacjja apthapisïta,

Isaías 16:9

Ucatwa jachäjja Sibma sisqui uca chekan uva yapunacatjja, uqhamaraqui Jazer chekanquir uva yapunacatsa, Hesbón, uqhamaraqui Eleale sisqui ucanacatsa walpun jachäjja, uca yapunacjjan guerra ojjoñanacajj wal sartatapata.

Jeremías 40:10

Nayasti aca Mizpa sat chekaruraquiw khepararaquï jumanacat arsuñataqui caldeonac nayrakatana, cunapachatejj jupanacajj acaru jutapjjani ucapacha. Jumanacasti vino, aceite, achunaca apthapiñaru uscusipjjam uqhamaraqui ucanacjja wali imcatapjjam, uqhamanacwa jacapjjäta, cawquïri marcanactejj catusipjjta ucanacanjja” sasa.

Jeremías 40:13

Carea jaken Johanán sat yokapampi uqhamaraqui cawquïri soldadonacan comandantenacapatejj pampa tokenacana kheparapcatayna ucanacasti Gedaliasaru uñjiriw sarapjjäna Mizpa chekana, sapjjaraquïnwa:

Jeremías 41:10

Uqhamarus Ismael jakejj reyin phuchanacaparus preso catuntaraquitayna, uqhamaraqui cawquïri jakenacatejj Mizpa chekan kheparapcatayna take uca jakenacarusa, qhitinacarutejj guardianacan comandantepa Nabuzaradán jilïrejj Gedalías chachan apnakatäpjjañapataqui uscuwaycatayna take ucanacaru. Ismael chachasti jupanacarojj preso caturaraquïna ucatsti Amón orake tokeru pasañataquiw sarascaraquïna.

Jeremías 43:5

Jan ucasti Johanán jakempi take jilïri militaranacampejj, qhitinacatejj ananucutäcasin Judá marcaru jacasiri cuttanjjapjjatayna take uca jakenacaru tantacht'asinjja:

Jeremías 44:18

Ucampisa cunapachattejj jan uca diosanacaru incienso loktasjjapjjta, uqhamaraqui uca Alajjpach Mamaru jan vinsa ch'allt'ascjjapjjtjja ucat acsarojj take cunaw pist'jjapjjetu, jakenacasti guerranacan, jan ucajj mank'atjamaw jiwarjjapjjaraqui” sasa.

Ezequiel 34:6

Take kollu tokenacaru jach'a kollunac tokeruw aywitatawayjjapjje, take acapacha tokenacaruw aywitatawayjjapjje, ucatsti janiraquiw qhiti jupanacat llaquiris utjcänti, ni qhitis jupanacaru thakerejj sarcaraquïnti.