Jeremías 30:18 - Qullan Arunaca Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini. Aymar Bibliia 1986 Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini. Qullan Arunaka DC Tatitux siwa: “Israel markan sarnaqäwipxa, sumaruw tukuyxä, markapatsti khuyapt'ayasïwa; Jerusalén markax wasitat sayt'ayatäxaniwa, reyin utanakapas wasitat utacht'atäxaniwa. |
Ucatsti Davidajj take tantachasïwi jakenacaruraquiw saraquïna: “Salomón wawajjasti, Diosajj jupa saparuquiw ajllisi, jupasti wawa waynaquïsquiwa, ucampis lurañasti wali jach'awa, uca lurañasti janiwa jaketaqui palacio lurañäqui uqhamäquiti, jan ucasti Tatit Diosataqui templo lurañäqui ucawa.
Salomón wawajjarusti take chuymäña churam, camachi arunacama phokhañapataqui, uqhamarac ewjjanacama, leyinacama, take ucanacaru phokhasina, ucatsti templo lurayañapataqui, nayajj ucataquiraquiw waquicharacta” sasa.
Marcasti wali jach'anwa, ucampisa juc'a jakeniquiraquïnwa, utanacajj janïraw wastat asquichatäcänti uca laycu.
Sartasimaya, Sión marcat qhuyapt'ayasim, t'akhesiñ urunacajj phokhasjjewa, pampachjjañam urojj purinjjewa.
Uywatanacamajj marcapan kalanacaparuw munasipjje, t'unjat perkanacapat jachapjje.
Perkanacam taypin sumancañajj utjpan, reyiman utanacapas jan cuna camächcayäpan” sasa.
perkanacap amuyapjjpan, suma utanacap uñaquipapjjpan: jutir mita jakenacar yatiyañataqui:
Kollan chekawjapjja, alajjpachjam utachäna, orakerjamaw wiñayatac thuriñchat sayt'ayaraquïna.
Tatay, aca marcamataquejj sinti munasiñanïtawa, Jacoborojj cusisiñap cutcatayjjtawa,
Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.
Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”
Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.
Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.
Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’
mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.
Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’
Tatitusti siwa: “Mä uruw purinini cunapachatejj marcajjajj wasitat utachatäjjani uca urojja, Hananeel sisqui uca torret kalltasina, Ángulo puncu sisqui ucacama.
Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.
Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.
“Take ch'amani Tatitusti, cawquïritejj Israelan Diosapäcaraqui ucasti siwa: ‘Aca orakenwa wasitat utanacsa, yapunacsa alasipjjani’ sasa.
Uca orakenacsti alasipjjaniwa, suma k'omachata papelanacani, selloni uqhamaraqui testigonacansa firmataraqui. Take acanacasti Benjamín tribun orakepanwa lurasiraquini, Jerusalén marca thiyanacana, Judá orakenquiri marca thiyanacana, kollu tokenacansa, jach'a kota thiya iramanacansa, uqhamaraqui Néguev sisqui uca marcanacansa, nayaw jupanacarojj asqui lurjjaraquï. Naya Tatituw ucjja arsta.”
cusisiña k'ochunacaw ist'asini, casarasirin k'ochunacapaw ist'asini, ucatsti sapjjaraquiniwa: ‘Take ch'amani Diosaru yuspagarapjjam, Tatitusti sumawa, munasiñapas wiñayataquiraquiwa’ sasa. Templorusti yuspagaraña ofrendanac apanipjjaraquini. Jïsa, nayaw asquiru tucuyä aca marcan sarnakäwipjja. Cunjämäcäntejj kalltanjja uqhamäñapataqui. Naya Tatituw ucjja arsta.”
Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.
“Jan ajjsaramti Jacobon marcapa, nayan uywatajja; Israel, jan ajjsaramti. Jumampiru, wawanacamampirojja nayawa khespiyapjjäma, uca jaya marcata, cawquirutejj apayatäpcta ucata. Wasitatwa sumaqui jacasjjaraquïta, c'uchiqui, jan qhitinsa sustjataw jacasjjaraquïta.
Ucampisa kheparojj Elam marcan sarnakäwipjja mayjt'ayaraquïwa. Naya Tatituw ucjja arsta.”
Ucampisa amonitanacan sarnakäwinacapjja mayjt'ayaraquïwa. Naya Tatituw ucjja arsta.”
Jumanacan jakenacamarusa uqhamaraqui uywanacamarusa waljaptayapunïwa. Nayra urunacanjja cunjämatejj jakenacajj waljaptcänjja uqhamaraquiw waljani tucjjapjjäta, nayra urunacat sipansa juc'ampi asquinwa sarnakjjapjjaraquïta. Ucapachaw yatipjjäta nayajj Tatitütajja.
Ucqhawa Israel marcarojj apanucutat cutt'ayanëjja. T'unjat marcanacsa wasitat sayt'ayapjjani, ucanracwa jacasipjjani; uva yapunacwa ayruntapjjani, ucatsti vino umapjjaraquini. Huertonacap yapuchasinjja, achunacapjja mank'apjjaraquiniwa.
Tatitun angelapasti siwa: —Take ch'amani Tatitu, pakallko tunca maraw niy coleratäjjtajja Jerusalén marcampi, Judá marcanacampejja, ¿kawkha marampïscanisa wasitat qhuyapt'ayascäta ucqhacamajja? —sasa.
Ucatwa, naya Tatitojja sistjja: Jichhajj qhuyapayasiñampiw cutt'antjja; Jerusalenaru wasitatwa lurayaraquï Tatitun utapsa, uqhamaraqui take marcpacha’ ” sasa.
Qhä urunwa Judá marcan jilïrinacaparojj tucuyäjja mä nina sanc'jama naqhasquiri lawanac taypina, mä ninjamaraqui trigo markthapita taypina. Tucjaraquiniwa cupëjjanquiri, ch'ekäjjanquiri take jac'anquiri marcanacarojja, ucañcamasti Jerusalenanquir jakenacasti mayampwa marcapan jacasjjapjjani.
“Ucampisa nayrakatjja naya Tatitojja, khespiyäwa Judá familianacaru, Davidan familiapat jutirinacan jach'añchäwipajj jan jiltañapataqui, Jerusalenan jaquirinacasti Judá familiat jutirinacjjancañapataqui.
Take marcpachaw mä pamparu uñtata tucjjapjjaraquinejja Geba marcat Rimón orakcama Jerusalenat aynach tokena. Jerusalenasti altoncaniwa, ucanracwa jacasipjjani. Benjaminan puncupata ángulo Puncucama (cawqhatejj Nayrajj Puncücäna), Hananeelan torrepata reyin prensampi aceite ch'irwañapcama.