Jeremías 3:14 - Qullan Arunaca Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma. Aymar Bibliia 1986 Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma. Qullan Arunaka DC Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma. |
Yatiyirinacasti uqhamawa sarapjjäna reyina, sirvirinacapana cartanacapampi take Israelaru, Judá orakeru, reyina amtäwipa yatiyaniñataqui, aqham sasa: “Israelitanaca: Tatitun ucar cutt'anjjapjjam, Abrahamana, Isaacana, Israelana Diosaparu, jupasti jumanacarojj cutt'anjjaraquiniwa, jumanacajj Asiriana reyinacapan amparapata jaltapctas ucanacaru.
Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.
Israel, marcamajj waljanïscpasa, kota iramanquir ch'allar uñtata, ucampis mä kawkhaniquiw cuttanjjapjjani. T'unjañajj amtatawa Diosan asqui luräwipasti phokhasipuniniwa.
cawqhantejj mä kawkha jilt'irinacaqui armt'atäquejj uqhama; jan ucajj cunjämtejj olivos kokajj thalsutäqui, ucatsti mä kawkha aceitunanacaqui jilt'jjejja uqhama, jan ucajj mä pusi jan ucajj mä pheska aceitunanacaqui jilt'jjejj uqhama.” Uqham siwa Israelan Tatitu Diosapajja.
Uca urunjja Tatitojj Eufrates sat Egiptcamaraquiwa lurañanacapjja lurani, trigo jawk'sur jakjama, ucampisa jumanacajj israelitanaca, mayat mayat apthapitäjjapjjätawa.
Nayaw juchanacamsa, pantasitanacamsa chhaktaytjja, cunjämatejj kenayanacajj chhaktapjje uqhama. Nayan ucar cuttanjjam, nayajjay jumarojj khespiysmajja.”
Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.
Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.
Israelan juchap laycuraquiw mä pacha coleratayätjja, juparojj mutuyaraquïyätwa, apanucuraquïyätwa; ucampis jupajj nayataquiw sayt'asïna, jupan amtataparjamaquiraquiw sarnakasïnjja.
Inas mä kawkha jakenaca kheparapjjchini, ucanacas tucjataraquïniwa, cunjämatejj mä kokajj qhuchhunucusejja ucatsti tronco sapaquiw kheparjje —sasa. (Ucampis uca troncotjja mä suma kollana aliw ch'ichtanjjani).
Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.
“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.
Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.
Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’
Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.
Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.
nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.
“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.
Aca arust'äwisti janiw cunjämatejj nayra awquinacapampi lurcta uqhamäcaniti, cunapachatejj jupanacarojj amparat wayjjarusin Egipto marcat irpsuncta uqhama; jupanacasti janiw arust'äwejjarojj phokhapquiti, nayajj jupanacan uywiripäcchiyäta ucasa. Naya Tatituw ucjja arsta.
Mä uruw puriniraquini, cunapachatejj perka uñjirinacajj Efraín kollunacan arnakasipjjani: ‘Jumanacajj jutapjjam, Sionar sarañäni, Tatitu Diosasan ucaru’ ” sasa.
“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”
Jan nayra awquinacamjam lurapjjamti, qhitinacarutï nayra profetanacajj naya toket jupanacaru sänjja jan wali sarnakäwinacapa, jan wali luräwinacapa jaytjjañapataqui, ucampis jupanacajja janiw ist'añsa, jaysañsa munapcänti. Naya Tatituw arstjja.
Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.