Jeremías 26:21 - Qullan Arunaca

Joacim reyisa, take jilïri yanapirinacapasa ist'apjjaraquïnwa cuntejj uca profetajj siscäna ucjja, reyisti jiwayayañwa munaraquïnjja. Ucampisa cunapachatejj Uriasajj uca yatisïna ucapachasti ajjsarañat Egiptoruw jaltjjäna.

Aymar Bibliia 1986

Joacim reyisa, take jilïri yanapirinacapasa ist'apjjaraquïnwa cuntejj uca profetajj siscäna ucjja, reyisti jiwayayañwa munaraquïnjja. Ucampisa cunapachatejj Uriasajj uca yatisïna ucapachasti ajjsarañat Egiptoruw jaltjjäna.

Qullan Arunaka DC

Joacín reyisa, taqi jilïr yanapirinakapasa kuntix uka profetax siskäna uk ist'apxarakïnwa, ukat reyix jiwayañ munäna. Ukampis Urías profetax uk yatisinxa, axsarañat Egipto markaruw jaltxäna.

Jeremías 26:21 Jak'a apnaqawi uñst'ayäwi

1 Reyes 18:10

Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

2 Crónicas 24:21

Ucampis jupanacajj mayaqui jupataqui arust'asisinjja, reyin arsut'apatwa kalamp c'upjasa jiwayapjjäna, Tatitun templopa ankäjjana.

Salmos 119:109

Jacañajjajj jiwañ chijir jalantañampiwa; nayasti janiw yatichäwinacamat armascti.

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Jeremías 26:10

Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Mateo 10:23

Cunapachatejj mä marcanjja uñisisa arcnakapjjätam ucqhajja, yakha marcaru jaltjjapjjam. Jichhasti khanacwa sapjjsma, janïra take Israel marcanac muytapcätas ucqhaw Jaken Yokapajj jutani.

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Mateo 10:39

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Mateo 14:5

Herodesasti Juanarojj jiwayañ munäna, ucampis jupajj marcanquir jakenacaruw ajjsaräna, jupanacasti takeniw Juanarojj mä profetarjama iyawsapjjäna.

Marcos 6:19

Herodiasasti Juanarojj uñisïnwa, jiwayañ munaraquïna, ucampis janiw cunjämat jiwayañs puedcänti.