Jeremías 26:20 - Qullan Arunaca Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja. Aymar Bibliia 1986 Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja. Qullan Arunaka DC Semaiasan yuqapa Urías profetax, khititix Quiriat-jearim sat markan jakkäna ukasa, Jeremías profetjamarakiw Tatitun sutipxarux parläna, Jerusalén markataki, ukhamaraki uka uraqin jan walt'añapsa. |
Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.
Ucampis luratanacapajja jan walinacänwa Tatitun nayrakatapana, nayra awquinacapjamaraqui.
Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.
Ucat Baruc chacharojj sapjjaraquïna: —¡Uqhamajj jichhajj jumasa uqhamaraqui Jeremiasasa imantasjjapjjam janiraqui qhitimpisa uñjayasipjjamti, janiraqui qhitis yatcpati jumanacan cawqhancatamsa! —sasa.
Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.
Ucjjarusti korpajj cuttänwa Mediterráneo sat jach'a kota tokeru, mä kollun aynach thiyapanjama, Bet-horón uñcatasinjama, Quiriat-baal chekar puriñcama, cawquïritï Quiriat-jearim sutinïcaraqui uca chekacama, cawquïritï Judá triburu churatäqui ucacama. Ucawjaw inti jalanta toketjja korpänjja.
Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.
Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.
Pä tunca maraw pasjjäna cuna urutejj Tatitun arcapajj Quiriat-jearim satäqui uca chekaru uscutatjja, take Israel marcpacharaquiw Tatituru walpun thaktapjjaraquïna;