Jeremías 22:6 - Qullan Arunaca Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma. Aymar Bibliia 1986 Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma. Qullan Arunaka DC Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma. |
Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.
¡Munatajjay, cunja muncañätasa! ¡Cunja muncañätasa! Nayranacamajj pä palomar uñtatawa, velo khepajjaru imantata; ñic'utamasti Galaad sat kollu cayuna jipirata cabrito tamanacar uñtatawa.
cayunacapasti marmolat lurat sayirinacjamawa kori patjjar suma utt'ayata; uñanakapasti sinti sumawa Libanonquir cedro kokanacjama;
Wali suma perkantat marcasti k'ala tucjataw uñjasi, mä apanucut utjama, wasara jan jakenacani. Uywa awatisiñ chekaquëjjewa, cawqhantejj uywanacajj layminac mank'apjje, jipirt'jjapjjaraqui.
Juman yanapirinacamampiraquiw Tatiturojj jisc'achtajja, saractawa: ‘Guerrar sarir walja carronacajjampiraquiw wali alto kollunacaru maqhatjjä, Líbano jach'a kollu ilaymiparus maqhataractwa, ucansti cedro maderanacapsa suma pinonacapsa, qhuchhuraractwa. Wali alto kollunacapcamapuniwa purtjja, pankar yapur uñtat ch'uminacaparusa.
Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,
“Judá orakenquiri reyin utaparusti, David reyit jutirinacarusa, nayan sutejjaru aqham saraquim: Tatitun arunacapa ist'am: Sapa urusa cunatejj chekapäqui uca luraraquim; t'akhesiyatanacarusti t'akhesiyirinacapata khespiyaraquim, uqhamata, jan wali luratanacam laycu, colerasiñajjasti ninjama aktascaraquispa, ucatsti naqharaquispa jan qhitinsa jiwarayañjama.
Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”
Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,
“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.
Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.
Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.
Ucampisa marcamajja, uqhamaraqui nacïwima marcamasa, mä p'enkaw khepararaquini. Take marcanacat sipansa khepancapuniniwa, waña wasararu, jan jakeni tucuyataraquïniwa.
Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.
¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?
“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”
Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”
Rubén, uqhamarac Gad tribunacajj walja uywanacanïpjjänwa. Cunapachatejj jupanacajj uñjapjjäna Jazer, uqhamarac Galaad orakenacan sumätapjja uywanac uywañataquejja,
Jumaruwa achict'asma nayan maqhatañajjataqui qhursa Jordán jawira tokeru, nayasti uñjañ munta qhä suma orake, uqhamarac qhä suma kollunacsa, Líbano sat oraksa’ sasa.