Jeremías 20:12 - Qullan Arunaca

Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Aymar Bibliia 1986

Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Qullan Arunaka DC

Taqi ch'aman Tatitu, jumax taqi kunsa chiqaparuw uñjtaxa, jumax jaqin chuymapsa sum uñt'taxa, kunjämtix uka jaqinakar mutuykäta uk jichhax uñjayita, nayasti juman amparamaruw taqi kun katuysma.

Jeremías 20:12 Jak'a apnaqawi uñst'ayäwi

2 Crónicas 24:22

Joás reyisti armjjataynawa Zacariasana Joiada awquipajja juparu asquinaca luratapa, jupasti Zacarías yokaparojj jiwayayänwa, jiwcäna ucqhasti jupajj aqham sasaw art'äna: “¡Tatitojj acjja uñjpan, ucatsti luratapat wayt'aracpan! ” sasa.

Salmos 11:5

Tatitojj juchanirus, jan juchanirus uñch'uquisquiwa, ñankha lurañ munirinacarusti walpun uñisi.

Salmos 139:23

Diosay, uñaquipitaya, chuymajjar uñantam, nayarojj yant'itaya, lup'itanacajj uñt'araquim,

Salmos 17:3

Jumaw takpach amuyunacajj yattajja, arumanacaw chuymajj uñaker jutista; ninampjamaw yant'ista, janiraquiw cuna ñankhsa jicjjatquistati.

Salmos 54:7

jumaw take llaquinacat waysusta, uñisirinacajjan aynacht'atap uñjayaraquista.

Salmos 58:10

Asqui jakesti, uqhämat uqhäm apsur uñjasajj cusispan, ñankha luririnacan wilapamp cayunacap wilachsuspan.

Salmos 59:10

Nayar munasir Diosajj jicjjatitaniwa; uñisirejjan aynacht'atap uñjayitani.

Salmos 62:8

Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.

Salmos 7:9

Chekapar uñjir Diosay, jumaw chuyma mankha amtäwinac uñanttajja; juchararanacan ñankha lurañanacap tucusiyam, asqui jakerusti thuruñchat sayt'ayam.

Salmos 86:4

Tatay, uywataman chuymaparojj cusisiyaquimaya, juma tokeruw chuymajj loktanta.

Isaías 37:14

Ezequiasasti cuntejj qhitanacajj carta loktapcatayna uca catusinsti leet'apjjänwa. Ucspacharaquiw Tatitun temploparu sarawayapjjäna, ucatsti uca cartjja Tatitun nayrakataparuw jannokäna,

Isaías 38:14

Janiw wal wararcaractti, jamach'inacjamaquiw jacht'ascta, palomanacjamaraquiw aykt'ascta. Nayranacajjas karitäjjaraquiwa alajjpach uñch'uccäwejja. Tata, t'akhesiñanacajjatay arjjatt'ita.

Jeremías 11:20

Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 12:8

Aca nayanquir marcasti jichhajj nayataquejj montenquir leonjamawa warari, ucatwa jichhajj uñistjja.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

1 Pedro 2:23

Jan wali arunacampi tokepcän ucqhajja, janiw jupajj jan wali arumpiraqui cutt'aycänti; t'akhesiyapcän ucqhasti, janiw “suyt'am” siscänti, jan ucasti chekaparu taripir Diosaruw catuyänjja.

1 Pedro 4:19

Uqhamajja, Diosan munañaparjam t'akhesirinacajja, asquinac lurasipcañapaquiwa, Diosaruraquiw almanacapsa catuyasipjjañapa, qhititejj jiwasar lurirïqui ucaru, jupasti chekaparaquiwa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

1 Samuel 1:15

—Janiw umatäcti, tata. Janiw nayajj cuna vinsa umcti ni cuna casta machjayiri umañanacsa, jan ucasti chuymajjan wali llact'ataw jicjjatasta, uca t'akhesitajj Tatitur yatiyasiscta.