Jeremías 2:7 - Qullan Arunaca Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata. Aymar Bibliia 1986 Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata. Qullan Arunaka DC Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa. |
Uqhamaraquiw catuntasipjjäna nuwasiñataqui perkampi muyuntata marcanacsa suma yapuchaña orakenacsa, suma yänacan phokt'ata utanacsa, phujunacsa, uva yapunacsa, olivo yapunacsa, uqhamarac yakha achuri alinacsa. Ucatjja mank'apjjänwa sist'asiñcama, liq'intapjjaraquïnwa, uqhamarac wal cusisipjjaraquïna juman jach'a munasiñamata.
“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.
Take ch'amani Tatitusti jupanacarojj bendiciraquiniwa aqham sasa: “Nayaw bendista Egipto marcajjarojja, Asiria marcasti nayan uscutawa, Israelasti nayan marcajjawa, nayaw jupanacarojj bendista” sasa.
Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”
Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.
“K'ara kollunac uñtam, sum uñatatam, ¿cawqhansa janejj juchjja lurctajja? Wasaranquiri árabe jaker uñtataraquiw kontajja, thaqui thiyanacan waynanacamarojj suyaraquïyätajja. Yakhanacampi sarnakatamampisa, ñankha luratanacamampisa aca marcjja k'añuchtawa.
Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.
Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.
Kalltatpachwa Israelampi Judá marcampejj cunatejj nayataquejj jan walïqui ucanac lurapjjerïnjja; israelitanacasti jupanacan lurat c'ari diosanacampiw ñankhachapjjetänjja. Naya, Tatituw, ucjja arsta.
jan camachi arunacajjar phokhapjjatap laycu, uqhamaraqui leyinacajjsa apanucupjjatapata, samarañ urunacajjsti taquisipjjaraquïnwa, awquinacapan c'ari diosanacap uñcatataquïsipcaraquïnwa.
Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.
Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!
Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”
“Cunapachatejj israelitanacajj pachpa orakepan jacapcän ucapachasti, jan wali luräwinacapampiw uca orakerojj taquisipjjäna. Jupanacan jacäwinacapasti nayataquejj k'añu ajjtascañaraquïnwa.
Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:
Jichhajj sartasipjjam, ucatsti sarapjjaraquim, aca chekasti janiw samarañ chekäquiti; jucha lurañasti aca chekanjja sintipuniwa, ñankha lurañampisti k'ala ñusjataraquiwa.
Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,
ucatsti janchipajj janiw uca arumajj ucan warcusiñapäquiti, jan ucasti uca quipca urpachaw imantjjapjjañama; Diosansti maldicitaw cawquïri jaketejj kokar warccatata jiwqui ucajja, jumanacasti janiw ñankhachapjjañamäquiti cawquïri oraktejj Tatitu Diosamajj jumanacaru churapctam ucjja.
Ucatsti lurapjjaraquim cunatï chekäqui, sumäcaraqui Diosan nayrakatapana ucanaca, uqhamat suma sarapjjañamataqui cawquïri oraktï Diosajj arupampi arscäna awquinacamar churañataqui ucaru mantapjjañamataqui.