Judionacataquisti take uca lurasïwinacajj mä khanänwa, uqhamarac cusisiña, c'uchiquïña, jach'ar aptatäña jach'añchañampi uqhamänwa.
Jeremías 2:23 - Qullan Arunaca ¿Cunjämraqui sätasti: ‘Janiw nayajj k'añucht'ascti, janiraquiw yakha diosanacarus yupaychcaractti’ sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa. Aymar Bibliia 1986 ¿Cunjämraqui sätasti: “Janiw nayajj k'añucht'ascti, janiraquiw yakha diosanacarus yupaychcaractti” sasasti? Amuyasim cunjämänsa valle token sarnakatamajja, take luratanacamatsti wali amuyasiraquim, kachu camellor uñtata, orko camellon khepapjja cawcsarusa jalaquiractawa. Qullan Arunaka DC ¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa; |
Judionacataquisti take uca lurasïwinacajj mä khanänwa, uqhamarac cusisiña, c'uchiquïña, jach'ar aptatäña jach'añchañampi uqhamänwa.
Jupajj aytat jakëcaspas uqhamaw amuyasi, janiw ñankha luratapan uñiscayätap amuyquiti.
ucanac lurquipansa, amuquïscäyätwa, nayajj jumjamäquirist uqham amuytajja. Jichhasti jumaruw juchañchäma, ajanumaruw ircatäma.
Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.
Yakhep jakenacajj amuyasipjjewa k'omäpcaspasa uqhama, ucampis janiw juchanacapatjja k'omachasipquiti.
Jan wali sarnakeri warmin luratapajja aqhamawa: Jupajj jucha luratapjja imt'asiwa, ucatsti “Janiw cuna ñankhsa lurcti” saraquiwa.
Tatitojj aqham siw Israel marcatjja: “Aca marcarojj maysat maysaru sarnakañapuniw munasi. Ucatwa nayajj juparojj jan take chuyma uñtctti. Jichhajj juchanacapat amtasï, uca juchanacapatsti jacthapita wayt'araquï.”
“Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.
¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.
“K'ara kollunac uñtam, sum uñatatam, ¿cawqhansa janejj juchjja lurctajja? Wasaranquiri árabe jaker uñtataraquiw kontajja, thaqui thiyanacan waynanacamarojj suyaraquïyätajja. Yakhanacampi sarnakatamampisa, ñankha luratanacamampisa aca marcjja k'añuchtawa.
¿Cunapachcamas ucsa acsa sarnakäta, saranucut wawar uñtat marca? Naya, Tatitusti, aca orakenjja machakcamaqui lurta mä warmiw mä chacharojj munapayani.”
Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.
Jan wali chuymanacapan amtatanacaparuquiw arcapjjänjja, ucatsti c'ari diosanacaruw quillt'asipjjaraquïnjja, cunjämtejj awquinacapajj yatichcatayna uqhama.
Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.
Ucampis ley yatichirejj jisct'atapampi asquit uñt'ayasiñ munasinjja Jesusarojj sänwa: —¿Qhitirac jake masejjasti? —sasa.
Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.