Jeremías 19:9 - Qullan Arunaca

Jakenacarusti pachpa yokalla, uqhamaraqui imilla wawanacapwa mank'asiyaraquï, uqhamaraqui jupanacasa maynit mayniru jupanaccamaw mank'asipjjani, cunapachatejj jach'a jan walt'añan jicjjatasipcani, uñisirinacapansa muyuntata aca marcajj uñjasqui ucapachajja’ sasa.

Aymar Bibliia 1986

Jakenacarusti pachpa yokalla, uqhamaraqui imilla wawanacapwa mank'asiyaraquï, uqhamaraqui jupanacasa maynit mayniru jupanaccamaw mank'asipjjani, cunapachatejj jach'a jan walt'añan jicjjatasipcani, uñisirinacapansa muyuntata aca marcajj uñjasqui ucapachajja’ sasa.

Qullan Arunaka DC

Kunapachatix aka markax jach'a jan walt'añan jikxatasini, uñisirinakapansa muyuntat uñjaskani ukapachaxa, jaqinakarux pachpa wawanakap manq'asiyä, jupanakkamas maynit maynikamaw manq'asipxani’ sasa.

Jeremías 19:9 Jak'a apnaqawi uñst'ayäwi

2 Reyes 25:3

Uca pachpa marana, pusïri phajjsina llätunca uru sarakataruwa mank'ata t'akhesiñajj marcana jiljjatäna, ucatsti jakenacanjja janiw cuna mank'añapasa utjcjjänti.

Jeremías 13:14

Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Jeremías 38:9

“Jach'a rey, cuntejj uca jakenacajj Jeremiasampi lurapqui ucajj wali jach'a juchawa. Mä phuch'uruw jakontapjje ucanwa mank'atjama jiwascaraqui, t'ant'asti janiraquiw marcanjja utjcjjeti” sasa.

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Lamentaciones 4:10

Suma munasiri taycanacasti, pachpa amparanacapampiw wawanacapjja phayasipjje, pachpa wawanacapwa mank'antasipjjaraqui, marcajjan t'unjatätapa uñjasinjja.

Ezequiel 5:10

Jumanac taypinsti yakhepa jakenacajj pachpa wawanacaparuw mank'antasjjapjjani, uqhamaraqui yakhepa wawanacajj awquinacaparuw mank'antjjapjjani. Cuntejj juma toke arscta ucsti phokhapunïwa, qhitinacatejj jilt'apcani ucanacsti take tokeruw ananucuraquï.

Levítico 26:29

Ucapachaw jumanacajj pachpa imill wawanacama, uqhamarac yokall wawanacamsa mank'arasjjapjjäta.