Ucapachaw Eliaquim qhititejj palacion yänac uñjirïcän ucajja; Sebna kellkerisa, Joa reyin secretariopasa, llact'asisinjja isinacap ch'iyarasipjjäna, ucatsti Ezequiasar uñstiriw sarapjjäna, cuntejj asirio oficialajj siscatayna ucanac yatiyañataqui.
Jeremías 18:13 - Qullan Arunaca Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja! Aymar Bibliia 1986 Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja! Qullan Arunaka DC Ukatpï Tatitux sixa: “Yaqha markanakar jiskt'asipxam, akham arunaka ist'irix utjarakpachati. ¡Israel markax jan walpin luri! |
Ucapachaw Eliaquim qhititejj palacion yänac uñjirïcän ucajja; Sebna kellkerisa, Joa reyin secretariopasa, llact'asisinjja isinacap ch'iyarasipjjäna, ucatsti Ezequiasar uñstiriw sarapjjäna, cuntejj asirio oficialajj siscatayna ucanac yatiyañataqui.
¿Qhitis ucar uñtasit arunac ist'ejja? ¿Qhitiraquicha uca quipcaqui uñjaraquejja? ¿Mä marcajj mä uruquiti nasjjaraqui? ¿Mä marcas mä juc'a horasanacti nasjjaraqui? Ucampisa cunapachatejj Sionajj usunacap sartayasïn ucspachaw wawachasjjaraqui.
Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.
¿Líbano alto kollunac patatjja, cunapachas chhaktaraquiti qhunojja? ¿Kollunacat jalakasinquiri suma k'oma umanacas wañt'aracpachacha?
Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.
Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.
Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.
Israel marcansti sinti jan walinacpun uñjtjja: Efrainasti wachoka juchanwa sarnake, Israelasti mayninacampiraquiw k'añuchasjje.
Ist'apjjetay arunacajja israelitanaca; cuna llaquisiñtejj jumanac contra arsctjja ucanaca:
Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.
Jilatanaca, yatisiw jumanac taypinjja jan wali sarnakerin utjatapa. Maynejj pachpa madrastra taycaparuwa warmisjje. Ucajj jan walipuniwa. Janiw uqhamjja Diosar jan uñt'ir jakenacas lurquiti.
wal ajjsarthapipjjäna, sapjjaraquïnwa: “Diosaw jichhajj campamentor puri, ¡cunaquïcan jiwasataquejja, janipuniw cunapachas uqhamïrïquiti!