Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.
Jeremías 17:6 - Qullan Arunaca Ucasti wasaranquiri ch'aphiru uñtataraquïniwa, janiw qhitis jupatjja amtascaraquiniti, cunjämatejj uca ch'aphejj kalanac taypina jili, jayuni orakena, cawqhantejj jan qhitis jacqui ucana. Aymar Bibliia 1986 Ucasti wasaranquiri ch'aphiru uñtataraquïniwa, janiw qhitis jupatjja amtascaraquiniti, cunjämatejj uca ch'aphejj kalanac taypina jili, jayuni orakena, cawqhantejj jan qhitis jacqui ucana. Qullan Arunaka DC Ukasti wasarankir ch'aphir uñtatawa, jan uman jaytjata, qalanak taypin jili, jayu uraqin jili, kawkhantix jan khitis jakkix ukkhana. |
Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.
Nayaw ucarojj cawqhantejj jacañapäqui uca uñacht'ayta, wasara, uqhamaraqui kollpa pampanaca uñacht'ayta.
Jan wali jakenacampisti janiw uqhamäquiti: jupanacajj thayan apat jipir uñtatäpjjewa.
Jucharar jakenacajj korjamas alintasipcpan, ñankha luririnacajj pankarasipcpansa, jupanacajj wiñayatac tucjatäpjjaniwa.
Jumanacajj ancuntat laphinacan kokar uñtataw tucupjjäta, jan umani pankar yapur uñtataraquiw tucupjjäta.
Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”
¡Jaltjjapjjam! ¡Qhitis ch'amani ucajj jaltjjapjjpan! ¡Wasaranquiri ch'aphirar alinacjamäpjjaraquim!
Ucampisa jokho chekanacana uqhamaraqui ñek'enacansa janiw suma mojjsa umajj utjcaraquiniti; c'ara umaquiw utjani, ucasti jayu apsuñataquiquiw waliraquïni.
Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.
Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.
Ucampis uca urojja Abimelec chachajja Siquem marca catuntañcamaw nuwasïna. Catuntasinsti marcjja liju tucjäna, uqhamarac ucan jaquir jakenacsa take jiwarayaraquïna. Uca tucjat marcarojj jayumpiraquiw phawantaraquïna.