Jeremías 16:11 - Qullan Arunaca

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Aymar Bibliia 1986

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Qullan Arunaka DC

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 16:11 Jak'a apnaqawi uñst'ayäwi

1 Reyes 9:9

Ucatsti sapjjaniwa: ‘Tatit Diosaparuwa jaytanucupjje, qhititejj nayra awquinacaparu Egiptota apsuncäna ucaru, ucatsti jupanacajj yakha diosanacaru yupaychañataqui ucanacaru sirviñataquiraquiw catuyasipjjäna; ucataracwa Tatitojj jupanacjjaru apayaniraqui aca jach'a jan walt'añanacjja’ ” sasa.

2 Crónicas 7:22

Ucatsti juparojj sapjjaraquiniwa: ‘Aca jakenacajj nayra awquinacapan Tatit Diosaparuw apanucupjje, qhititï Egiptot apsuncäna ucaru, ucatsti jupanacajj yakha diosanacaruwa sirvipjje, yupaychapjjaraqui; ucatwa take aca jach'a jan walinaca jupanacjjaru jutayi’ ” sasa.

Jeremías 13:22

Ucattejj jumajj jisct'asmajja ¿cunatsa acajj pasitu? sasa. Yatim ucajj uca jach'a juchanac luratam laycuwa; ¡ucatwa jichhajj k'alalsuyapjjtamjja, p'enkachapjjaractamjja!

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 22:9

Ucatsti ucjjarojj arusjjatapjjaraquiniwa: ‘Jupanacajj cuntejj Tatitu Diosapajj mä arust'äwi jupanacampi lurcäna uca apanucupjjatayna, ucatsti yakha diosanacaruw quillisipjjatayna yupaychapjjaraquitayna, ucatwa uqham uca marcarojj luri’ sasa.

Jeremías 44:3

cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Jeremías 8:2

Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Jeremías 9:14

Jan wali chuymanacapan amtatanacaparuquiw arcapjjänjja, ucatsti c'ari diosanacaruw quillt'asipjjaraquïnjja, cunjämtejj awquinacapajj yatichcatayna uqhama.

Lamentaciones 5:7

Awquinacasaw jucha lurapjjänjja, ucampisa jiwasaw jichhajj uca juchanacatjja t'akhesipjjtanjja.

Ezequiel 11:21

Ucampisa cawquïrinacatejj uca ajjtascaña luräwinacaru chuyma churata jacapjjani ucanacarusti luräwinacapatjamwa wayt'araquï. Naya Tatituw ucjja arsta’ ” sasa.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Malaquías 3:7

Jumanacasti awquinacamatpachwa nayan camachi arunacajjat saranucupjjtajja, janiraquiw phokhapcaractati. Naya take ch'amani Diosaw sapjjsma: ‘¡Nayaru cuttanjjapjjam ucatsti nayajj jumanacaru cuttanjjaraquïwa!’ Ucampisa jumanacajj sapjjtawa: ‘¿Cunatsa nanacajj jumaru cuttanipjjämajja?’ sasa.

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.