Jeremías 15:19 - Qullan Arunaca Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui. Aymar Bibliia 1986 Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui. Qullan Arunaka DC Ukhamasti Tatitux sarakituwa: “Nayan ukarutix kuttanxäta ukkhaxa, nayax katuqxämawa, kuntix nayatak lurañamäki ukarak lurxarakïta. Jan wal arsuñamtix apanuküta, kunatix arsuñamäki ukak arsurakïta ukkhasti, jumax naya lantiw arsüta. Jupanakaw juman ukarux kuttanxañapa, janiw jumati jupanakan ukarux kuttañamäki. |
Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.
Uqhamasti saram, nayawa jumampïscäjja cunapachatejj parlcäta ucqhajja, uqhamarac nayaraquiw yaticharaquïma cunanactejj arsuñamäqui ucsa.
Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.
Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.
Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.
janipuniw Jonadab chachan wawanacapajj tucuscaniti, jan ucasti nayaru sirviriw jutapjjani. Naya Israelan Diosapa take ch'amani Tatituw ucjja arsta’ ” sasa.
Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,
Cunapachatejj fuellejj ch'amampi phust'i ucqhajja, ninajj umatatayiw plomo metalarojja. Ucampisa jupanacaru k'omachatajj inamayawa, ñankha jakenacasti janiw chhaktquiti.
Take jakenacapaw jichhajj wali jachapjje, mank'añ thakasaw sarnakasipcaraqui; kamir cancañanacapsti mank'ampiquiw trocasjjapjje, uqhamat jan mank'atjama jiwascañataqui. ¡Tata, nayan aynacht'atajj uñtanimaya, ñankht'atajjsa amuyaraquimaya!
Jumajj arunacajja jupanacarojj khanañcham, ist'apjjpasa janis ist'apjjpan, jupanacan naya toke sayt'asiri jakenacäpjjatap laycu.
Sacerdotenacasa, aca marcanjja nayan yatichäwinacajj-jja maysaruw k'ewipjje, cunatejj nayataquejj kollanäqui ucanacsti taquisipjjaraquiwa, janiraquiw jakenacarus cunatejj asquïqui, uqhamaraqui cunatejj jan asquïqui ucsa yatichapcaraquiti. Nayan samaraña urunacajjarusa janiw yäkapcaraquiti, janiraquiw nayarojj jach'añchapcaraquitusa.
“Sacerdotenacasti marcajjarojj yatichapjjañanacaparaquiwa cunatejj kollanäqui cunatejj jan kollanäqui ucanacjjata, uqhamaraqui cunatejj k'omäqui, jan k'omäqui ucanacatsa.
uqhamat jumanacajj cunatejj kollanäqui, uqhamarac cunatejj ñankhäqui, cunatejj k'añüqui, uqhamarac cunatejj k'omäqui ucanacjja suma amuyapjjañanacamataqui,
uqhamat yatisiñapataqui cunatejj k'omäqui, uqhamarac cunatejj k'añüqui ucsa. Aqhacamaw yatichäwinacajja cuna lepra usunacatejj uñstcani ucanaca toketa yatichäwinacajja.
“Sartam, ucatsti Nínive jach'a marcaru saram, cuntejj siscäma uca arunac yatiyiri” sasa.
“Aqham siwa take ch'amani Tatitojja: ‘Saram thaquinacajjanjama, phokharaquim take luräwinac jaytcsma ucanaca. Uqhamtï lurätajja, templojja uñjiriw kheparätajja. Uñjaraquïtawa templomppacha, pationacamppacha, nayaw churäma mä cheka aca angelanacajj nayar yupaychapquitu ucanac taypina.
Angelasti sänwa: —Nayajj Gabrielätwa, Diosan munañap luririraqui. Jupaw nayarojj qhitanitu aca suma yatiyäwinac jumar yatiyañataqui.
“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”
Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.
Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”
Nayasti jumanacarojj yatiyapjjsmawa takpach Diosan thaquipatjja, jan cuns imt'asa.
Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.
Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.
Ucampis janiw mä jisc'sa jupanacampejj atipayasipcti, nanacasti munapjjäyätwa chekpach khespiyasiñ Tatitun arunacapajj jumanac taypitjja jan chhaktañapa.
Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.
Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.