Jeremías 15:11 - Qullan Arunaca

Tata, janitejj nayajj jumaru suma sirvcsma ucapachasti, uca maldicionanacapajj phokhaspan, janitejj nayajj uñisirinacajjataqui achict'ascsmajja, cunapachatejj jupanacajj llaquisiñancapjjäna, jan walt'añancapjjaraquïna ucapachajja.

Aymar Bibliia 1986

Tata, janitejj nayajj jumaru suma sirvcsma ucapachasti, uca maldicionanacapajj phokhaspan, janitejj nayajj uñisirinacajjataqui achict'ascsmajja, cunapachatejj jupanacajj llaquisiñancapjjäna, jan walt'añancapjjaraquïna ucapachajja.

Qullan Arunaka DC

Tatay, uka ñanqhachäwinakapax phuqhaspan, janitix nayax jumaru sum luqtksma ukaxa, janitix nayax uñisirinakaxatak achikt'asksma kunapachatix jupanakax llakisiñankapxäna, jan walt'añankapxarakïna ukapachaxa.

Jeremías 15:11 Jak'a apnaqawi uñst'ayäwi

Salmos 106:46

jupanacar catuntat anaquirinacaruw qhuyapayasiñamp uñjäna.

Salmos 138:3

Art'asinsma ucapachajj ist'istawa, almajjarusti ch'am yapjjatarapista.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Eclesiastés 8:12

Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Jeremías 37:3

Sedequías reyisti, Selemiasan yokapa, Jucal sat jakempiru, uqhamaraqui Maasías jaken Sofonías sacerdote yokapampiruw Jeremiasan ucaru qhitäna, aqham sapjjañapataqui: “Take nanacataqui Diosat mayirapipjjeta” sasa.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Jeremías 42:2

jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.