Jeremías 14:3 - Qullan Arunaca Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui. Aymar Bibliia 1986 Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui. Qullan Arunaka DC Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi. |
Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.
Uccañcamasti reyejj ajanupa imt'asajj, jach'at arnakasïna: “¡Absalón wawajja! ¡Absalón wawajja, nayan wawajja!” sasaw jachäna.
Ucampis mä kawkha urunacatjja uca jawirajj wañt'jjänwa, uca oraken jan jallojj puritap laycu.
Ucampis jumanacajj jan jupar ist'apjjamti. Asirianquiri reyejj qhitanituwa jumanacaru yatiyañajjataqui: ‘Jumanacajj nayampi sumaru mantañäni, ucatsti nayar jumanacajj catuyasjjapjjam, ucatjja jumanacajj sapa mayniwa uva yapumata mank'asisipcäta, uqhamarac higo yapumatsa, phuch'umatsa umsa umasisipcaraquïta.’
Uqham muytäwi tucutatsti Mardoqueojj cutt'anjjänwa palacio puncuru. Ucata Amán chachajj janc'aquiw utapar cutt'awayjjäna wali llact'ata, uqhamarac ajanup imantasisa.
Ucampisa ucar purinisinjja, mayjt'ataw uñjasipjje, suyt'äwinacapasa pampaw tucuwayjjaraqui.
Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan!
nayar jiwayañatac thakerinacajj, p'enkpun atipjayasipjjpan; nayar ñankha lurañ amtirinacajj, mä p'enk jaltapjjpan;
Pampa tokenacan utjirinacajj c'arintataw uñjasipjje, ucatsti p'ekenacap imjjatasipjjaraqui, jallun jan puritap laycu, orakesti k'ala wañsutawa.
¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.
“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.
Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”
Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.
Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!
Ñuñusquiri wawanacasti umatjja sinti pharjatapuniwa, lajjranacapas lacaruw lip'catjje. Wawanacajj t'ant'a mayipjje, ucampisa janiw qhiti t'ant'a churiris utjquiti.
Janitejj uqham sarnakañanacap apanuccanejja, k'alalsuyäwa, cunjämtejj taycapan puracapat nascänjja uqhama, ch'usa wasararuraquiw tucuyaraquï, waña orakeruw tucuyaraquï, ucatsti umatjamas jiwaraquiniwa.
Pampanquir animalanacas jumaruw art'asinipjjtam, jawiranacan umanacas wañsjjatap laycu, ninasti pastonacjja k'alwa nacsuwayjjaraqui.
“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.
Jakenacajj marcat marcraqui uma thakasajj sarapjjäna, umat pharjayasitanacapasti janipuniw apaktcänti; ucampis jumanacajj janiw nayarojj cutt'anipctati.” Tatituw ucjja arsuwayi.
Cawquïritejj acapachanquir marcanacat jan Jerusalenanquiri take ch'amani Tatitu Reyiru yupaychiri sarapcani uca orakenacarojj janiw jallojj purcaniti.