Jeremías 10:5 - Qullan Arunaca

Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Aymar Bibliia 1986

Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Qullan Arunaka DC

Uka idolonakax melonanak yapuchat taypin, jamach'inakar sustjañatak jaqi t'ixitar uñtatäpxiwa; ukanakax janiw parlapkiti, janirakiw sarnaqapkisa, ukat ukanakarux q'ipnaqañax wakisi. Ukanakar jan axsarapxamti, janiw khitirus kuna ñanqhsa, asksa lurkiti.”

Jeremías 10:5 Jak'a apnaqawi uñst'ayäwi

1 Reyes 18:26

Uqhamawa jupanacajj vaca kallu churapcäna uca catusina wact'ayapjjäna, ucatsti jupanacajj alwata chica urucamawa Baal diosaparu jach'at mayipjjäna, aqham sasa: “¡Ist'apjjetay Baal!” sasa. Jupanacasti altar lurapcäna uca thiyana thoktas thoktasaw muyupjjäna, ucampis janiw cuna arusa ist'ascänti.

2 Crónicas 25:15

Tatitusti Amasías reyitaquiw colerasïna, ucatsti mä profetaruw qhitanïna aqham sañapataqui: —¿Cunatsa jumajj yakha marcanquir diosanacapan ucar sarta, cawquïrinacatejj jumarojj jan khespiycäyätam ucarojja? —sasa.

Isaías 16:12

Moab marcajj kollunacarus sarascpan, ucansti karjtañcam arnakasiscpan, temploparus oración lurir sarascpan, janiw cunsa jicjjatcaniti.

Isaías 45:20

“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.

Isaías 46:1

Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa.

Isaías 46:7

Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.

Jeremías 10:14

Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;

Habacuc 2:19

“¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.

1 Corintios 12:2

Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Deuteronomio 4:28

Ucansti jaken lurat diosanacaruw sirvipjjäta kalata, lawata lurat diosanacaru, jupanacasti janiw uñjapquiti janiraquiw ist'apquisa, mank'apquisa ni samsupquisa.