“Nayasti amutuw tucta, janiw lacajj jist'arcti, juman take cun sarayascatam yatta.
Jeremías 10:19 - Qullan Arunaca —¡Ay, cunaquïcan nayataquejja, aynacht'atätwa! “¡Chhojjrinacajjasti janiw kollañjamäcjjeti! ¡Nayasti amuyasisinjja aca llaquinaca apchëjjaya sasaw amtaraquïyäta! Aymar Bibliia 1986 —¡Ay, cunaquïcan nayataquejja, aynacht'atätwa! “¡Chhojjrinacajjasti janiw kollañjamäcjjeti! ¡Nayasti amuyasisinjja aca llaquinaca apchëjjaya sasaw amtaraquïyäta! Qullan Arunaka DC Jeremías profetasti sarakïnwa: ¡Ay, nayata, akataqi ust'ataw uñjasta! ¡T'aqhisiñaxas jan tukuskiriwa! Markaxan ñanqha luratapatxa, naya pachpaw janchixan t'aqhista. |
“Nayasti amutuw tucta, janiw lacajj jist'arcti, juman take cun sarayascatam yatta.
Ucat sista: “¡Alajjpachanquirin jiwasanacar jan qhuyapayasjjatapajj walpun chuym usuyitu!” sasa.
Tatitojj Jacobon marcapat imantascchi ucasa, nayajj juparojj iyawsascaquipuntwa. Juparuquiw nayajj suyt'ascta.
Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.
¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.
Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.
¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.
Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.
Marcajjan t'akhesitapampi chicaw t'akhesiracta; llaquisiñampi, ajjsarañampiw nayarojj muyuntitu.
¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!
Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.
Nayranacajjatsti jachajj umjamaw jalaraquitu, nayan munat marcajja t'unjata uñjasajja.
Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.