Tatitojj jayaruw apanucütam, liwtaraquïtam cunjämtejj mä ch'amani jakejj liwti uqhama. Ch'amampiw jumarojj catuntätam,
Jeremías 10:18 - Qullan Arunaca Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca: Aymar Bibliia 1986 Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca: |
Tatitojj jayaruw apanucütam, liwtaraquïtam cunjämtejj mä ch'amani jakejj liwti uqhama. Ch'amampiw jumarojj catuntätam,
Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’
Ucatsti jumarusa uqhamaraqui taycamarusa cawquïri oraketejj jumanacaru nacirjja jan uñjapctamti uca orakeruw apanucupjjäma, ucanwa panpacha jiwarapjjaraquïta.
Tatitun colerasiñapajja janiw tucuscaniti, jupan amtäwinacapa phokhasiñapcamajja. Mä uruwa puriniraquini cunapachatejj jumanacajj take acanacata amuythapisipjjäta ucajja.
Ucapachaw jupanacajj yatipjjani nayan Tatitütajja, cuna jan wali t'akhesiñanac apayaniñtejj arscäyät ucanacasa jan aleka inamaya parlanacaquïtapa’ ” sasa.
Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.
Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”
“Take marcanacamaruw muyuntasina t'unjapjjaraquini, jach'a alto perkanacap tincuñapcama, cawqhanacarutejj jumanacajj iyawsañ uchapcäyat ucanaca, uqhamaraquiw muyuntapjjani, t'unjapjjaraquini take cawquïri oraktejj churctam ucanacan marcanacaparusa.
Qhititejj jumaru arcanakätam, jan ucajj jiwayañsa munaraquïtam, ucapachajj chekpachansa juman jacañamajj Tatitu Diosan suma arjjatatäniwa. Juman uñisirinacamarusti Tatitojj k'orawampjamaw k'orawnucuni.