Jeremías 10:13 - Qullan Arunaca

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Aymar Bibliia 1986

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Qullan Arunaka DC

Jach'a arupampisti, alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.

Jeremías 10:13 Jak'a apnaqawi uñst'ayäwi

Génesis 2:5

janïraw alinacajj utjcänti, koranacasa janiraquiw oraketjja alircataynati. Dios Tatitusti janïraraquiwa jalljja orakeru puriycataynati, uqhamarus janiraquiw qhiti irnakerisa utjcänti.

1 Reyes 18:41

Ucatsti Eliasajj Acab reyirojj sänwa: “Sarjjam mank'eri, umiri, jallun jutatapajja ist'asjjewa” sasa.

Job 38:22

“¿Jumajj uñjtati cawqharutejj qhunsa, chholloksa imcta ucanacjja,

Salmos 104:13

Jumaw alajjpachatpach kollunacarojj karpantajja, alajjpach umampiw orakerojj sisantaytajja.

Salmos 135:17

jinchunïcasinsa janiw ist'apquiti, janiw jacañ samananïpquisa.

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Salmos 147:8

Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi.

Salmos 18:13

Alajjpachanquir Tatitojj alajjpachatpach ajjsarcañ jach'a arup ist'asiyäna.

Salmos 68:33

alajjpachanjam sarnakeriru, wiñay alajjpachan utjasiriru. Ch'aman arupamp arnakasir ist'apjjam.

Éxodo 9:23

Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Jeremías 19:12

Uqhamwa lurä aca marcampejja jakenacapampisa. Cunjämäquitejj Tofet chekajj uqhamwa juparojj jaytaraquï. Naya Tatituw ucjja arsta.

Jeremías 5:24

Janiw amuythapisipcaractasa, ni sapcaractasa: Tatitu Diosasarojj ajjsartañäni, horasaparuw khepa, nayra jallsa apayanistu, uqhamaraqui cosecha apthapiñ horasas apayaniraquistu.

Jeremías 51:16

Jach'at arsutapampiw umas alajjpachan khothutiraqui, kenayanacsti aca orake tucusitpachwa maqhatayaraqui, jallu taypinracwa k'ejjok'ejjonacsa khantayaraqui, cawqhantejj thayajj imantatäqui ucatpachwa apsuniraqui.

Amós 4:13

Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Zacarías 10:1

Tatitur mayipjjam jallupach jallunaca, Tatituw utjayaraqui llijullijunacsa waljaracwa apayaninejja, takeniruraquiw pampan ch'ojjña pastonac churaraquinejja.