Hechos 1:4 - Qullan Arunaca

Cunapachatejj Jesusajj apostolonacapampïscäna ucqhajja, jupanacarojj ewjjt'awayänwa: —Jerusalenat jan cawquirus sarapjjamti, jan ucasti suyt'apjjam Awquejjan arsutapa phokhasiñapcama, cunjämtejj nayajj jumanacarojj sapcäyäsma uqhamarjama.

Aymar Bibliia 1986

Cunapachatejj Jesusajj apostolonacapampïscäna ucqhajja, jupanacarojj ewjjt'awayänwa: —Jerusalenat jan cawquirus sarapjjamti, jan ucasti suyt'apjjam Awquejjan arsutapa phokhasiñapcama, cunjämtejj nayajj jumanacarojj sapcäyäsma uqhamarjama.

Qullan Arunaka DC

Jesusax apostolunakapampïskän ukapachaw jupanakar akham iwxt'äna: —Jerusalenat janiw kawkirus sarapxätati, Awkixan arsutap phuqhasiñapkam suyapxam, nayax ukxat niy jumanakar yatiyapxsmawa.

Hechos 1:4 Jak'a apnaqawi uñst'ayäwi

Números 9:22

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Mateo 10:20

Janiw jumanacati ucanjj parlapcätajja, jan ucasti Diosan Ajayupawa jumanac lantejj parlani.

Lucas 11:13

Jumanacatejj khorücasin wawanacamarojj sumanac churirïpjjstajja, ¡kawkha juc'amps alajjpachanquir Awquimajj Kollan Ajayjja churanejja mayipqui ucanacarojja!

Lucas 12:12

ucapachasti Kollan Ajayuw cunatejj sañanacamäcani ucjja yatichasipcätam.”

Lucas 24:49

Yatipjjaraquim nayajj qhitanïwa cuntejj Awquejjajj ‘Churämaw’ sisquitu uca; jumanacasti aca Jerusalén marcan kheparapjjam, alajjpachat ch'amajj jutcani uc catokañcama —sasa.

Juan 14:16

Nayajj Awquirojj achict'äwa jumanacaru yakha Chuymachiri qhitaniñapataqui, jupasti jumanacampejj wiñayataquïniwa.

Juan 15:26

“Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Juan 20:22

Ucatsti jupanacjjaru phust'asinsti saraquïnwa: —Kollan Ajayu catokapjjam.

Juan 7:39

Ucampejj Jesusajj sañwa munäna, qhitinacatejj iyawsapcani ucanacajja Kollan Ajayu catokapjjani. Janïraw Kollan Ajayojj jutcataynati, Jesusajj janïra alajjpachar aptatätap laycu.

Hechos 10:41

Janiw take jakerut Jesusajj uñstcänjja, jan ucasti nanacaruquiwa uñstapjjetu, qhitinacarutejj Diosajj ajllipquitäna nayratpacha, khanañchirinacäpjjañajjataqui ucanacaru. Nanacaw mank'apjjta, umapjjaracta jupampi, jiwatanac taypit jactatap khepatjja.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.