Génesis 7:21 - Qullan Arunaca Uqhamaw jiwarapjjäna aca oraken take jakenacajja, jamach'inacasa, uywañ animalanacasa, pampanquir animalanacasa, orakenjam katatnaktir animalanacasa. Aymar Bibliia 1986 Uqhamaw jiwarapjjäna aca oraken take jakenacajja, jamach'inacasa, uywañ animalanacasa, pampanquir animalanacasa, orakenjam katatnaktir animalanacasa. Qullan Arunaka DC Ukhamaw aka uraqin taqi jakir jaqinakax jiwarapxäna, jamach'inakasa, uywañ animalanakasa, pampankir animalanakasa, uraqinjam qatatnaqtir animalanakasa. |
Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.
Nayasti mä jach'a jallu apayanï, ucasti take aca orakpachwa chhaktayani, uqhamarac aca orakenjja take cunatejj jacqui ucsa k'alwa t'unjaraquini. Take cunatejj aca oraken utjqui ucanacasti jiwarapjjaniwa.
Acat pakallko ururusti nayajj mä jach'a jallu puriyanï, ucasti pusi tunca urumpi, pusi tunca arumampiw jalluraquini. ¡Aca oraketsti take cunatejj jacqui, uqhamarac take cuntejj nayajj usccta take ucanacwa k'al tucjä!” sasa.
Ucatwa jichhajj maldicionajj aca orakjja tucji, jakenacapasti jichhajj mutuyäwi catokapjjaraqui. Ucatwa jichhajj jakejj tucusjjaraqui, juc'aniquiraquiw kheparjje.
Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.
Take cun tucuntir ninjamawa, janïr purincasasa, uqhamarac khepatsa naqhantascaquiwa. Aca orakejj, janïra jupanacajj purincän ucqhajja mä paraisjamänwa, sarjjapjjatapatsti ch'usa wasaraquëjjewa. ¡Janiraquiw cunas khespquiti!
Tucjaraquïwa jakenacarusa, animalanacarusa, take jamach'inacarusa, chawllanacarusa, juchan jakerusa tucjaraquïwa, ucatsti jakerojj acapach oraketjja chhaktayaraquïwa.” Acanacwa Tatitojj arsuwayi:
janiraquiw amuyasipcänti cunürutejj uma taripäwejj purinisin takeniru apasjjäna ucürcama, uqhamaraquïniwa Jaken Yokapajj jutcani ucqhajja.
Mank'asipcäna, umasipcäna, casarasisipcäna, uqhamarac phuchanacaps casarasiñatac churasisipcäna, Noen arcar mantañap urucama, ucapachaw uma juiciojj purinïna, ucat takeniw jiwarapjjäna.
Acapachasti juchañchatawa, ucasti janiwa jupan sapa munañap laycuti, jan ucasti Diosaw uqhamäñapataqui waquichawayatayna. Ucampis uca suyt'añajj utjapunïnwa,
Jichhürcamajj yattanwa cunjämtejj aca Diosan lurat orakejj wal t'akhisisqui, cunjämtejj mä wawachasir warmejj wararisqui uqhama.
Janiraquiw Diosajj nayra jakenacarus perdoncaraquïnti, jan ucasti uca jan wali jakenacjjarojj uma juicio puriyanïna. Noé saparuquiraquiw khespiyänjja cheka arunac parlatapata, jupamp chicasti pakallkoniquiw khespiyasïnjja.