Génesis 48:20 - Qullan Arunaca

Uca urpacharaquiw Jacobojj aca arunacampi bendizjjäna: —Israel marcajj jumanacan sutimjja asquitaquiw aytasini, sapjjaraquiniwa: ‘Diosay jumampejj lurpan cunjämatejj Efrainampi, uqhamarac Manasesampejj lurqui uqhama’ —sasa. Uqhamwa Israelajj Efrainarojj Manasesat nayra uscünjja.

Aymar Bibliia 1986

Uca urpacharaquiw Jacobojj aca arunacampi bendizjjäna: —Israel marcajj jumanacan sutimjja asquitaquiw aytasini, sapjjaraquiniwa: “Diosay jumampejj lurpan cunjämatejj Efrainampi, uqhamarac Manasesampejj lurqui uqhama” —sasa. Uqhamwa Israelajj Efrainarojj Manasesat nayra uscünjja.

Qullan Arunaka DC

Ukürusti Jacobux aka arunakampiw jupanakar aski waxt'äwinak churäna: —Israel markax aski waxt'äwinak churañatakix jumanakan sutim aytasini, akham sapxarakini: “Diosay jumar impan kunjämtix Efrainampiru, Manasesampiru imki ukhama” —sasa. Jacobux ukham Efrainarux Manasesat sipan nayrar usküna.

Génesis 48:20 Jak'a apnaqawi uñst'ayäwi

Génesis 24:60

Rebecarusti aqham sasaw bendicipjjaraquïna: “Munat cullaca, ¡Jumasti waranka, warankanacan taycapäman! ¡Wawanacamasti uñisirinacapan marcanacapsa catuntapjjaracpan!” sasa.

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 48:21

Ucjjarusti Josearojj saraquïnwa: —Nayajj jiwañampëjjtwa; ucampis Diosaw jumanacampïsqui, ucatsti nayra tiempo awquinacaman orakeparus cuttayjjapjjaraquïtamwa.

Números 13:11

Josean, uqhamarac Manasés uca tribunacatjja Gadi sat Susi chachan wawapa.

Números 13:16

Ucanacänwa jakenacan sutinacapajja, cawquïrinactejj Moisesajj qhitäna uca orak uñjiri sarapjjañapataqui. Oseas sat Nun chachan wawaparojj Josué sutimpiw uchapjjäna.

Números 13:8

Efraín tributjja, Oseas sat Nun chachan wawapa.

Números 7:48

Pakallköri urusti Elisama chachaw ofrendapa aparaquïna, Amiud chachan yokapa, Efraín tribun jilïripa,

Números 7:54

Quimsakallkör urojj Gamaliel chachaw ofrendapa apäna, Pedasur chachan yokapa, Manasés tribun jilïripa,

Hebreos 11:21

Iyawsäwi tokeraquiw Jacobojj niya jiwañampëjjäna ucqhajja, bendición churäna Josean sapa mayni wawanacaparu, ucatsti Diosarusa yupaychäna thujrupata thujrt'asisina.

Josué 17:14

Josean wawanacapajj Josué thiyaruw sarapjjäna aqham sasa: —¿Cunataraqui nanacarusti mä jisc'a orakec suertet churapjjestasti? Nanacajj walja familiäpjjtwa Diosasti wal bendicipjjaraquitu —sasa.