Génesis 47:9 - Qullan Arunaca

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

Aymar Bibliia 1986

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

Qullan Arunaka DC

Jacobusti sarakïnwa: —Patak kimsa tunkan maranïxtwa, uksa aksa sarnaqarakta, uka juk'a maranakansti jakañax nayatak ch'amänwa, janïraw qawqha maranakatix nayra awkinakaxax jakapkäna ukar purkti —sasa.

Génesis 47:9 Jak'a apnaqawi uñst'ayäwi

Génesis 11:11

Uca khepatsti Sem chachajj pheska pataca marampwa jacascäna, yokanacani, phuchanacani cuna.

Génesis 35:28

Cunapachatejj jiwjjän ucqhasti Isaacajj pataca quimsakallko tuncani maranëjjänwa.

Génesis 47:28

Jacobosti tunca quimsakallkoni maraw Egiptonjja jacäna, pataca pusi tunca pakallkoni marancamaw jacaraquïna.

Génesis 47:8

Faraonasti: —¿Kawkha maranïtasa? —sasaw jisct'araquïna.

Génesis 5:27

Uqhamasti junturojj llätunc pataca sojjta tunc llätuncani maranacaw jacäna. Ucapachaw jiwjjaraquïna.

Génesis 50:26

Joseasti Egipton jiwjjäna, patac tuncani maranïcän ucapacha. Janchipsti embalsamapjjänwa, ucat mä ataúd cajonaruraquiw uchjjapjjäna.

1 Crónicas 29:15

Juman nayrakatamanjja cunjämatï jaya jakejj saräwincquejja uqhamaquïpjjtwa, uqhamaraqui cunjämäpcäntï nayra awquinacajjajja uqhamaquïpjjaractwa, ucatsti nanacan jacäwinacajjajja aca orakenjja mä ch'iwir uñtataquiwa, jan cuna suyt'añani.

Job 14:1

Mä warmita yurir jaken jacäwipajj mä kawkha urunacataquiquiwa, t'akhesiñanacampi phokhantata.

Salmos 119:19

aca orakenjja sart'ir jakequïtwa: janiquiy arsutanacam nayatac imantamti;

Salmos 119:54

Jaken marcapan jacasajj arunacamajj nayan k'ochojjänwa.

Salmos 39:12

“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.

Salmos 39:13

Mä juc'acamay samart'ayita, janïr nay sarquipana, janïr nay jiwquipana.”

Salmos 39:5

Juc'a urunacac jacañajjatac churistajja, jacañ urunacajjajj janiw nayrakataman cunäquisa; jaken jacañapajj samanamp sasiquiwa,

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Éxodo 7:7

Cunapachatejj rey faraonampi parlapcäna ucqhasti Moisesajj quimsakallk tunca maranïnwa, Aaronasti quimsakallk tunca quimsan maraniraqui.

2 Corintios 5:6

Ucatpï iyawsañampi jacasctanjja, yatiractanwa janchisan jaccasajja, janïraw alajjpachan Tatitump chicäctanti.

Deuteronomio 34:7

Moisesasti pataca pä tuncani maranïnwa cunapachatï jiwjjäna ucapachajja. Jiwañapcamasti suma nayrani, suma c'umaraquïscaraquïnwa.

Hebreos 13:14

Aca orakenjja janiw wiñay utjir marcajj utjquistuti, jan ucasti thakasctanwa cawquïr marcatejj jutcani uca.

Santiago 4:14

janiw yatipctati cunatejj kharürojj pascani ucjja. ¿Cunaraqui maynin jacañapasti? Mä urpjamaquiw uñstani ucatsti chhaktawayjjaquiwa.

Josué 24:29

Take ucanac pasatatsti Nun chachan Josué yokapajj jiwjjänwa patac tuncani maranëjjän ucapacha.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.