Génesis 44:18 - Qullan Arunaca Ucatsti Judäjj Josear jac'achasisinjja sänwa: —Nayajj achict'assmaw, tata, jumampiw parlt'asiñ munta. Janiquiy nayataquejj colerasimti, jumajj pachpa faraonäcasmas uqhamätawa. Aymar Bibliia 1986 Ucatsti Judäjj Josear jac'achasisinjja sänwa: —Nayajj achict'assmaw, tata, jumampiw parlt'asiñ munta. Janiquiy nayataquejj colerasimti, jumajj pachpa faraonäcasmas uqhamätawa. Qullan Arunaka DC Ukat Judá jilapax Josear jak'achasisin säna: —Tata, janikiy nayatak phiñasimti, nayax achikt'asïma, jumampiw parlt'añ munta. Jumasti nayatakix pachpa faraón reyïkasmas ukhamätawa. |
Ucampis Abrahamajj Tatiturojj achict'ascaquïnwa: —Tata, janiy colerasimti nayan uca toket jumar parlascaquitajjata. Inas quimsa tunca jan juchan jakenacaqui jicjjatchïta —sasa. Tatitusti saraquïnwa: —Uca quimsa tuncani jan juchan jakenac laycojj marcarojj perdonäwa —sasa.
Abrahamajj sascaquïnwa: —Tata, jan nayatac colerasimti, aca maya cutimpi arst'ä, ucatsti janiw mayampsa parlcjjäti, ¿tunca jan juchani jakenacaqui jicjjatasma ucqhajj cunsa lurasma? —sasa. Tatitusti saraquïnwa: —Uca tuncani laycojj janiw marcarojj t'unjcäti —sasa.
samcapatjja aqham satapata: —Ist'apjjeta, cuntejj samcascta ucwa avist'apjjäma.
Samcansti take jiwasanacaw pampancascayätan trigo markanacasa; acatjamat mayacwa nayan trigo markajjajj chekaqui saythapi, ucatsti jumanacan trigo markanacamajj saythapiraquiwa, nayan trigo markajjarcamaquiw muyuntasin alt'asipjje —sasa.
Jilanacapasti ucjjarojj sapjjaraquïnwa: —¿Jumajj nanacan reyejjäsmati, ucatti nanacarusti apnakapjjetäta? —sasa. Ucatsti juc'ampiw uñisipjjäna, samcasitapatjja, uqhamarac cunjämtï cuentcatayna ucatsa.
Jumajj jichhajj palaciojjan jach'a jilïrïyätawa, jumaw apnakäta. Take jakenacasti jumaruw jaysapjjaraquïtam. Nayasti juman jilïrimaquïyäwa reyïtajj laycu.
Ucjjarusti faraonajj Josearojj sascaquïnwa: —Nayajj reyïcta ucasa, jan juman ordenamampejj janiw qhitis cunsa lurcaniti, ni cawcsa sarcaraquiniti, aca Egipto marcpachanjja —sasa.
Ucampis Joseajj sänwa: —Janiw uqhamäcaniti, qhititejj copajj apcatayna ucaquiw esclavojjäni. Mayninacajj puedjjapjjtaw libre awquiman ucar cuttjjaña. Janiw qhitis cunsa sapcätamti —sasa.
Warmisti sascaquïnwa: —Jach'a rey, aca sirvirimajj mä arumpi arst'asiñ muni, arst'asëjjaya —sasa. —Arst'asiscaquim —sasaw reyejj saraquïna.
Ucampis reinajja janiw ist'aña muncänti, reyejj cawquïr arunactejj eunuco sat jakenacap tokejj yatiycäna uca arunacaparojja. Ucatsti reyejj walpun colerasïna,
Tatay, ¿cunapachcamarac k'apisitaquïscätasti? ¿Cunapachcamarac k'apisiñamasti ninjam naqhanisti?
Ucat Aaronasti sänwa: —Tata, janiy nayataquejj colerasimti. Jumasti suma yattajja aca jakenacajj cunatejj jan walïqui ucacpun lurañ munapjjejja.
Reyin colerasitapajj leonan wararitapjamawa; qhuyapayasiñapasti alinacaru sullajj sulljjatquisa uqhamawa.
¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.
Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.
Awquejja janiw qhitirus juchañchquiti, jan ucasti Yokaparuw take munañapa churi juchañchañapataqui.
“Jilatanaca, takenejjay yatstanjja David awquisan jiwatapjja, imasitapsa. Jupan sepulturapasa jiwasanac taypincascchejjaya jichhürcama.