Génesis 43:11 - Qullan Arunaca

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Aymar Bibliia 1986

Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Qullan Arunaka DC

Ukat awkipax ukxar sarakïna: —Ukham wakischi ukax jilamar irpapxakchïtaya, uka jaqin ukar jank'ak kuttapxarakim. Ukampis akham lurapxam: Costalanakamar mä waxt'äwi uka jaqitak aparapipxam. Kunatix uraqisan utjki ukanakat mä juk'akama: Bálsamo, misk'i, q'apkir qullanaka, mirra, nueces, almendra ukanaka.

Génesis 43:11 Jak'a apnaqawi uñst'ayäwi

Génesis 33:10

Ucampisa Jacobojj sascaquïnwa: —Janiw uqhamäcaspati. Nayajj achict'assmawa, juman nayrakatamantejj qhuyapayasiñam jicjjatsta ucapachajj catoketay aca wajjt'äwjja, jumar uñjatajjasti Diosarus uñjquirista uqhamawa, niyaquejjay jumajj wali suma catokchistajja.

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Génesis 43:10

Janitejj acqham kheparapquiriscäyät ucqhajja, niyaw sarasinjja mayampi cuttanjjapjjeriscäyäta —sasa.

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

Génesis 43:15

Ucatsti Jacobon yokanacapajja, wajjt'äwi, kollksa mä uqhampi, uqhamarac Benjamín jilapa irpt'atajja, Egiptoruw sarapjjäna, ucatsti Josean ucaruw puripjjäna.

Génesis 43:25

Jupanacasti ucañcamajj wajjt'äwinacwa waquicht'apjjäna, ucatsti Josean puriniñapwa suyasipcäna, chica uru horasaru, yatipjjaraquitaynawa, ucan mank'apjjañapjja.

Génesis 43:26

Cunapachatejj Joseajj purinjjän ucqhasti, jupanacajj Josearuw churapjjän cuna wajjt'äwtejj apanipcatayna uca, ucatsti orakcamaw alt'asipjjaraquïna.

1 Reyes 10:15

ucampis janiw jaqhutäcänti comerciantenacata, negociantenacata yänacapata impuesto pagapcäna ucanacajja, ni arabianquir take reyinacatsa, uqhamarac marcanacan apnakerinacatsa.

1 Reyes 10:25

Ucatsti jupataquejj takeniwa mä wajjt'äwi sapa mara aparapipjjerïna: kollketa, korita yänaca, isinaca, armanaca, k'apquir kollanaca, caballonaca, uqhamarac mulanaca.

1 Reyes 15:19

“Jumamp nayampejja mä suma amtäwiru mantañäni, cunjämatï awquinacasajj lurapcäna uqhama. Acajj nayajj apayansmawa kori, kollke jumar wajjt'añataqui. Jichhajja jumajj apanucjjam Israelan Baasa reyimpi suma amtäwir mantatama, uqhamatwa nayarojj samarata jacayitani” sasa.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

2 Reyes 16:8

Ucjjarusti Acaz reyejj Tatitun templopata kollke, kori, uqhamarac reyin palaciopan imatäcäns ucanac catusinjja Asirianquir reyiru wajjt'añataquiw apayäna.

2 Reyes 20:12

Qhaya urunacanjja Babilonianquiri Baladán sat chachan Merodac-baladán yokap reyejj yatïnwa Ezequías reyin usuntjjatapata, ucatsti qhitatanacap tokewa cartanaca, wajjt'äwinaca apayäna.

2 Reyes 8:8

Ucatsti reyejj Hazael chacharojj sänwa: “Mä wajjt'äwi apjjarusiwayasajj profetan ucaru saram. Ucatjja Tatitur jisct'ayanirapita: ‘¿Aca usutjja waliptiristti, janicha?’ ” —sasa.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Salmos 68:29

Jerusalenanquir utamaruw reyinacajj churäwinac apanipjje, ucawjatpachay jumajj,

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Salmos 76:11

Tatitutac arsupjjam, phokhapjjaraquim, jupan jakenacapa, ajjsarcañ Diosar loktäwinac churapjjam.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Proverbios 17:18

Jan amuyt'an jakejj sayt'aquiw garantiatjja amigop laycu; ucatsti jupaw phokhañapäni.

Proverbios 18:16

Mä wajjt'äwi churatapampejja cawqhacamas mantascaquispawa, uqham luratapampejja jilïrinacan ucarus puriscaquiwa.

Proverbios 19:6

Cunsa wajjt'asir jakerojja, take jakenacaw thakapjje, amigoparus tucupjjaraqui.

Proverbios 21:14

Colerata jakeru jamasata wali amuyt'ampi wajjt'añajja, sumaptayiwa.

Cantar de los cantares 4:10

¡Cunja sumas juman munasiñamajj, cullaquita, nayan munatajja! ¡Munasiñamasti vinot sipansa juc'ampi mojjsawa, uqhamarac perfume sat suma k'aphi kollanacamasti wali sumawa yakha suma k'apquiri kollanacat sipansa!

Cantar de los cantares 4:14

cawquintejj utjqui nardosa, asafranasa, suma k'aphini cañasa, canelasa, uqhamarac take casta incienso kokanacasa, mirra, áloe ucanacasa, uqhama. ¡Ucanjja take suma k'apquiri kollanacaw utji!

Cantar de los cantares 8:14

Munatajjay, jalam, mä tarujar uñtat jalam, taruja kallunacjam t'ijtam suma k'apquir kollu patanacanjama.

Jeremías 8:22

¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Ezequiel 27:15

Rodas marcanquiri jakenacas jumampejj alaquipa luraraquiquïnwa, jach'a kota tokenquiri marcanacampis alaquipa luraraquiquïyätawa, jupanacasti marfil, ébano sisqui ucanacampiw pagapjjaraquïyätamjja.

Ezequiel 27:17

Judá marcasa, Israel marcasa jumampejj alaquipjja luraraquiquïnwa, ucatsti Minit sisqui uca chekan pokori trigompiw pagapjjaraquïyätamjja, uqhamaraqui pastelanaca, misq'i, aceite, bálsamo sisqui ucanacamp cuna.

Ezequiel 27:22

Sabá, uqhamaraqui Raama sisqui uca marcan utjirinacasti juman alasirinacamänwa, ucatsti suma k'apquiri perfumenacampiwa pagjjaraquïyätamjja, suma kalanacampi, korimpi cuna.

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Hechos 21:14

Jan cunjämat jarc'añjamïpansti nanacajj sapjjtwa: —Tatitun munañapac lurasjjpan —sasa.

Deuteronomio 33:14

suma maran achuri cosechanacampi, suma phajjsinacan achuri cosechanacampi,

1 Samuel 25:27

Jichhasti nayajj achict'assmawa, take aca wajjt'äwinaca apanirapcsma ucanacasti take uywatanacamajj jumampi chica jutapqui ucanacaru laquinokatäpan.

1 Samuel 9:7

—Uqhamajj sarañäniya, ucampis, ¿cunaraqui uca profetataqui aparapiñänisti? Janiw t'ant'as wayakanacasanjja utjcjjestuti. Janiw cunasa jupar churañataquejj utjquiti —sasaw Saúl waynajj saraquïna.