Génesis 4:17 - Qullan Arunaca

Cainasti warmipampiw mayachasjjäna, warmisti usur jakeptasinjja Enoc sataruw wawachasi. Ucatsti Cainajj mä marca sayt'ayaraquïna, uca marcarusti Enoc wawapan sutipampiw suticharaquïna.

Aymar Bibliia 1986

Cainasti warmipampiw mayachasjjäna, warmisti usur jakeptasinjja Enoc sataruw wawachasi. Ucatsti Cainajj mä marca sayt'ayaraquïna, uca marcarusti Enoc wawapan sutipampiw suticharaquïna.

Qullan Arunaka DC

Ukatsti Cainax warmipampiw mayachasxäna, warmisti usur jaqiptasax Henoc sat wawaparuw wawachasïna. Ukatsti Caín chachax mä marka sayt'ayäna, uka markarusti Henoc wawapan sutipampiw suticharakïna.

Génesis 4:17 Jak'a apnaqawi uñst'ayäwi

Génesis 11:4

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

Génesis 4:16

Cainasti, cawqhantejj Tatitumpi parlascäna uca chekatjja mistuwayjjänwa, ucatsti Nod, sat chekar jaquiriw sarjjäna, ucasti Edén jardinat inti jalsu tokenquiwa.

Génesis 4:18

Enoc chachasti Irad jaken awquipänwa. Iradasti, Mehujaelan awquipänwa; Mehujaelasti, Metusaelan awquipänwa; Metusaelasti, Lamecan awquipänwa.

Génesis 5:18

Jaredasti pataca sojjta tunc payan maranïnwa, cunapachatejj Enoc wawapajj nascän ucqhajja.

Génesis 5:22

Enocasti Diosan munañaparjamapuniw sarnakäna. Matusalenan nacitapatsti, Enocajj quimsa pataca maranacampwa jacascäna, yokanacani, phuchanacani cuna.

2 Samuel 18:18

Jaccasinsti Absalonajj mä jach'a kala perka sayt'ayasiraquïna, ucasti Reyin Vallepanwa jicjjatasiraqui, uca perkarusti sutipwa kellkantaraquitaynajja, jani wawanïtap laycu, uqhamat sutipajj jan chhakhañapataqui. Jichhacamas uca perkajj “Absalonan perkapa” satäscapuniwa.

Salmos 49:11

Amay imäwiw wiñay utjäwipajja, ucaw wiñay utapajja, marcanacar sutip churcchi ucasa.

Salmos 49:12

Jakejj kamirïscpasa, janiw wiñayäquiti, uywanacjam jiwiriquiwa.

Daniel (hebreo) 4:30

ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.