Lot chachasti take uca Jordán tokenquir vallenacwa ajllisïna, cawqhanccäntejj ucatjja inti jalsu tokeruw sarawayjjaraquïna. Uqhamwa Abramampi Lot sobrinopampejj jaljtjjapjjäna.
Génesis 36:7 - Qullan Arunaca Jupanacasti panpachanejj walja uywanacanëjjäpjjänwa, janiraquiw junto jacañjja puedcjjapjjänti, orakes janiraquiw ucatak uywa awatiñataquejj utjcjjänti. Aymar Bibliia 1986 Jupanacasti panpachanejj walja uywanacanëjjäpjjänwa, janiraquiw junto jacañjja puedcjjapjjänti, orakes janiraquiw ucatak uywa awatiñataquejj utjcjjänti. Qullan Arunaka DC Esaumpi, Jacobumpix walja uywanakanïpxänwa, janiw panpachanix jakirjamäkxapxänti, uraqis janirakiw ukataq uywa awatiñatakix utjkänti. |
Lot chachasti take uca Jordán tokenquir vallenacwa ajllisïna, cawqhanccäntejj ucatjja inti jalsu tokeruw sarawayjjaraquïna. Uqhamwa Abramampi Lot sobrinopampejj jaljtjjapjjäna.
ucampis cawqhancapcäntejj uca orakejj pisïnwa uca walja uywanacataquejja. Janiw juntu jacañjja puedcjjapjjänti.
Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.
Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.
Juman nayrakatamanjja cunjämatï jaya jakejj saräwincquejja uqhamaquïpjjtwa, uqhamaraqui cunjämäpcäntï nayra awquinacajjajja uqhamaquïpjjaractwa, ucatsti nanacan jacäwinacajjajja aca orakenjja mä ch'iwir uñtataquiwa, jan cuna suyt'añani.
“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.
Uqhamaraquiw jaytapjjetu jani utanacsa lurasipjjañajjataqui, ni yapunaca yapuchañataquisa ni uva alinaca ayrusiñataquisa. Carpanacan utjasiñataquiquiw jaytapjjetu, aca orakena walja maranaca jacasipjjañajjataqui, cawqhantejj jaya marcat jutir jakenacjam sarnakasa.
Iyawsäwi laycuw Abrahamajj yakha marcat jutir jakjam jacasïna, cawquïr oraktejj Diosajj jupar churañatac arscäna uca orakena. Jupajj carpanacan jacäna, camisatejj Isaacas, Jacobos jaccäna uqhama. Jupanacasti, Diosajj jupanacar churañatac arscäna uc catokapjjaraquïna.