Génesis 33:2 - Qullan Arunaca

Nayrakatarusti esclavanacampi wawanacapampwa uchäna, ucjjarusti Learu wawanacapampiruw ucharaqui, kheparusti Raquelampiru Joseampiruw ucharaquïna.

Aymar Bibliia 1986

Nayrakatarusti esclavanacampi wawanacapampwa uchäna, ucjjarusti Learu wawanacapampiruw ucharaqui, kheparusti Raquelampiru Joseampiruw ucharaquïna.

Qullan Arunaka DC

Nayraqatarusti uywatanakampi jupanakan wawanakapamp uchäna, ukxarusti Liampiru wawanakapampiruw ucharakïna, qhiparusti Raquelampiru Joseampirurakiw uchäna.

Génesis 33:2 Jak'a apnaqawi uñst'ayäwi

Génesis 29:16

Labanajj pä phuchanïnwa. Jilïrejja Lea sata, sullcasti Raquel sataraqui.

Génesis 29:30

Jacobosti Raquelampi mayachasjjasajja Leat sipansa walpun munasïna, Labanataquejj pakallko mara irnakañapäcchïn ucasa.

Génesis 33:1

Cunapachatejj Jacobojj Esaú jilaparu pusi pataca jakenacampi jutasquir uñjän ucqhajja wawanacjja Leampiru, Raquelampiruw jaljäna, uqhamarac pani esclavanacaparu cuna.

Génesis 33:3

Ucjjarusti jupanacatjja nayrt'awayänwa, ucatsti p'ekepampi oraker puriñcamaw pakallko cuti alt'asïna, jilapan jac'apancjjäna ucqhacama.

Génesis 37:3

Israelasti Josearuw wali munasïnjja maynïri wawanacapat sipansa, jupajj cunapachatejj chuymanëjjan ucqha Josean nacitap laycu. Ucatwa Joseataquejj mä suma isi lurarapïnjja.

Jeremías 50:12

Ucampisa marcamajja, uqhamaraqui nacïwima marcamasa, mä p'enkaw khepararaquini. Take marcanacat sipansa khepancapuniniwa, waña wasararu, jan jakeni tucuyataraquïniwa.

Malaquías 3:17

“Take jupanacasti nayataquejj mä suma imat korjamäniwa cunürutï nayajj uñstcä uca urojja, jupanacatsti qhuyapayasiraquïwa cunjämtejj mä awquejj jupar sirviri wawapatjja qhuyapayasejja uqhama.