Génesis 28:18 - Qullan Arunaca

Khepärmanthi alwasti Jacobojj wali alwat sartasi, ucatsti cawquïri kaltejj ch'ijmt'ascatayna ucwa sayt'ayi mä pilaräcaspas uqhama, ucatsti aceitempi warjjatasinwa Diosar loktata tucuyaraquïna.

Aymar Bibliia 1986

Khepärmanthi alwasti Jacobojj wali alwat sartasi, ucatsti cawquïri kaltejj ch'ijmt'ascatayna ucwa sayt'ayi mä pilaräcaspas uqhama, ucatsti aceitempi warjjatasinwa Diosar loktata tucuyaraquïna.

Qullan Arunaka DC

Qhipärmanthisti, Jacobux wali willjtaw sartasïna, ukatsti ch'ijmt'askatayna uka qalxa mä pilaräkaspas ukham sayt'ayäna, ukatsti aceitempi warxatasin Tatitur luqtäna.

Génesis 28:18 Jak'a apnaqawi uñst'ayäwi

Génesis 21:14

Khepärmanthisti Abrahamajj wali alwatwa Agar warmirojj t'ant'a churäna, mä umani lip'ichi wayakampi cuna, take ucanacsti k'epjjaruyawayaraquïnwa. Ismael wawaparu irpjjaruyasinsti esclavaparojj qhitanucjjänwa. Jupasti mistuwayjjasinjja Beerseba wasaranwa sarnakascäna, janiraquiw cawcsar sarañsa puedcänti.

Génesis 22:3

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

Génesis 28:11

Mä chekaru purt'asinsti, ucqharuw waquicht'asïna uca arumajj ucan ict'añataqui, intisti jalantjjaraquïnwa. Mä kala ch'ijmt'asi ucatsti ucanwa icnokjjäna.

Génesis 31:13

Nayasti Betelan uñstcsmas uca Diosätwa, cawqhantejj jumajj mä kala nayar loktasa sayt'aycta, ucatsti mä arsüwi arsuraquista. ¡Sartam! Aca chekat sarjjam, cawqhantejj nascta uca oraker cuttjjaraquim’ ” sasa.

Génesis 31:45

Uqhamasti Jacobojj mä kala ittasi, ucatsti mä pilarjam sayt'ayäna,

Génesis 35:14

Jacobojj mä kala ittasin sayt'ayäna mä pilarar uñtata, cawqhantejj Diosajj juparu parljjaycatayna uca chekaru, ucatsti Diosaruw loktjjäna aceitempi, vinompi warjjatt'asa.

Génesis 35:20

Jacobosti uca sepultura patjjarojj mä amtasiñ perka sayt'ayäna, uca perkaraquiw jichhürcama Raquelan sepulturapjja uñacht'ayasqui, mä señäljama.

2 Samuel 18:18

Jaccasinsti Absalonajj mä jach'a kala perka sayt'ayasiraquïna, ucasti Reyin Vallepanwa jicjjatasiraqui, uca perkarusti sutipwa kellkantaraquitaynajja, jani wawanïtap laycu, uqhamat sutipajj jan chhakhañapataqui. Jichhacamas uca perkajj “Absalonan perkapa” satäscapuniwa.

Salmos 119:60

Janc'aquiw sartasta, jan suyasaraquiw arsutanacam phokta.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 19:19

Egiptonsti uca urunjja mä altaraw utjaraquini Tatitur loktata, korpanacap jac'ansti mä kalaraquiw sayt'ayatäni Tatitutac sata.

Números 7:1

Cunürutejj Moisesajj kollan chekawja lurañ tucuyjjän ucqhajj aceitempiw catuyjjäna, take kollan chekawjan yänacapa, uqhamarac altaran yänacapsa.

Josué 4:9

Josué chachasti yakha tunca payan kalanacwa uchaniraquïna cawqha chekarutï sacerdotenacajj chica jawirar sayt'asipcän ucqharu. Uca kalanacasti jichhürcamaw ucancasqui.

1 Samuel 7:12

Ucatsti Samuelojj mä kala ittasin Mizpa, uqhamarac Sen sisqui uca taypiruw ayruntäna, Eben-ezer sasaw suticharaquïna: “Jichhacamaw Tatitojj yanapasquistu” sasa.