Génesis 19:29 - Qullan Arunaca

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Aymar Bibliia 1986

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Qullan Arunaka DC

Ukham Diosax qhirwa tuqinkir markanak t'unjäna, kawkhantix Lot chachax jakkäna uka markanaka, ukampis Abrahamat amtasisin Lot chacharux uka chiqat irpsuwayxarakïna.

Génesis 19:29 Jak'a apnaqawi uñst'ayäwi

Génesis 11:27

Acanacaw Taré chachan wawanacapajja, jupasti Abram, Nacor, uqhamarac Harán ucanacan awquipänwa. Lot chachan Harán awquipasti,

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 30:22

Ucampisa Diosajj Raquelatjja amtasiraquitaynawa, mayisitapsa ist'araquïnwa, ucatsti wawanacjja apayaraquïnwa.

Génesis 8:1

Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Nehemías 13:14

“¡Nayan Diosajja, aytapunitaya acanaca luratajjata, ucatjja janipuni armasimti Diosajjan templopa laycu, uqhamarac yupaychaña laycuraqui take asquinaca luratajjata!”

Nehemías 13:22

Ucatsti levitanacarojj yatiyäyätwa k'omachasipjjañapataqui, samarañ uru jan p'aquitäñapataqui puncunaca uñjiri sarapjjañapataqui. “¡Nayan Diosajja, amtasiraquitaya aca luratajjata, ucatsti qhuyapt'ayasiraquitaya juman jach'a munasiñamarjama!”

Job 35:8

Juman jucha luratamajj jake masimaruw ñankhachejja, asqui luratanacamasa jake masimataquiw asquiraquejja.

Salmos 105:42

Kollan arusjäwit amtasïna, Abraham loktiripar arsutat amtasïna.

Salmos 105:8

Warank mita jakenacas saraquipascpan, janipuniw arust'äwipajj armatäcaniti:

Salmos 106:4

Tatay, marcamar munasitam laycuy nayat amtasita, khespiyir jutcät ucapachay nayar tumpasita:

Salmos 136:23

Aynacht'añasan jiwasanacat amtasiriru: qhuyapayasiñapajj wiñayawa.

Salmos 145:20

Tatitojj jupar munirinacarojj imiwa, ñankha luririnacarusti t'unjiwa.

Salmos 25:7

janiquiy jucha luratanacajjat amtasimti, janirac wayna cancañajjan ñankha luratanacajjat amtasimti; Tatay, qhuyapayasiñam laycuy nayat amtasita, munasiñam laycurac amtasita.

Ezequiel 14:16

Uca marcantejj uca quimsa jakenacajj jacapjjaspa, ucanacajj janiw yokanacaparusa, phuchanacaparusa khespiyapcaspati; jupanacaquiw khespipjjaspajja. Naya Tatituw ucjja arsta jacañajj laycu juramento lurasa.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.

Deuteronomio 9:27

Amtasimay Abraham, Isaac, Jacob wawanacamata. Janiraqui aca marcan jan yatiñanïtapsa amtasimti ni jan wali jakenacätapsa ni juchanacapsa.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.

2 Pedro 2:7

Ucampis Lot chacharojj khespiyaraquïnwa suma jakëtap laycu. Uca marcan utjir jakenacan jan wali luräwinacap uñjasinsti Lot chachajj llaquisiraquïnwa.