Génesis 18:17 - Qullan Arunaca

Ucatsti Tatitojj saraquïnwa: “Abrahamarusti siristwa cuntejj lurcä ucjja,

Aymar Bibliia 1986

Ucatsti Tatitojj saraquïnwa: “Abrahamarusti siristwa cuntejj lurcä ucjja,

Qullan Arunaka DC

Ukampis Tatitux akham lup'irakïna: “Abraham chachar kuntix lurkä ukxa janiw imt'kiristti,

Génesis 18:17 Jak'a apnaqawi uñst'ayäwi

Génesis 18:21

Jichhajj nayajj uñjiriw sarä chekpachapuniti jucha luratanacapajj sintïpacha janicha uc yatiñataqui, uqhamatwa yatiraquëjja.

Génesis 18:22

Uca jakenacat paninisti Sodoma tokerupuniw sarjjapjjänjja, ucampis Abrahamajj Tatitun nayrakataparuw kheparascäna.

Génesis 18:26

Ucatsti Tatitojj saraquïnwa: —Pheska tunca asqui jakenactejj uca Sodoma marcan jicjjäta ucqhajj, uca jan juchani jakenac laycojj perdonäw take uca marcan jaquir jakenacarojja —sasa.

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

2 Reyes 4:27

Ucatsti kolluruwa puripjjäna, cawqhanccäntejj Eliseojja ucqharu, ucatjja profetan cayupatwa khomthapisïna. Giezi uywatapasti jac'achasïnwa warmir apakañataqui, ucampis Eliseojj sänwa: —Suyt'aquim, jupajj wali llaquitawa, ucampis Tatitojj jichhacamajj janiw yatiyquituti cuna pasatapsa —sasa.

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Juan 15:15

Janiw ‘uywatanac’ sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj ‘amigonac’ sapjjsmawa, cuntejj Awquejjajj sisquitu uca jumanacar yatiyatajj laycu.

Santiago 2:23

Uqhamatwa Diosan arupan kellkatajj phokhasïna: “Abrahamajj Diosaruw iyawsäna, Diosasti ucatjj ‘Waliquiw’ sasaw catokäna.” Abrahamasti Diosan amigopa sataraquïnwa.