Génesis 18:10 - Qullan Arunaca

Ucatsti maynïrejj saraquïnwa: —Mara aca horasaw visitt'iri cutt'aniraquï, ucqhataquisti Sara warmimajj mä yokall wawanïniwa —sasa. Ucañcamasti Sarajj Abrahaman khepäjjapanwa, carpa mantañäwjan take uca parlatanac isch'uquiscäna.

Aymar Bibliia 1986

Ucatsti maynïrejj saraquïnwa: —Mara aca horasaw visitt'iri cutt'aniraquï, ucqhataquisti Sara warmimajj mä yokall wawanïniwa —sasa. Ucañcamasti Sarajj Abrahaman khepäjjapanwa, carpa mantañäwjan take uca parlatanac isch'uquiscäna.

Qullan Arunaka DC

Ukatsti maynïrix sarakïnwa: —Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa. Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna.

Génesis 18:10 Jak'a apnaqawi uñst'ayäwi

Génesis 16:10

Ucjjarojj angelajj sascaquïnwa: “Wawanacamajj waljanïniwa, janiraquiw qhitis jact'añ puedcaniti.

Génesis 17:16

Nayaw juparojj bendiciraquï, jupa toksti mä wawa churaraquïma. Jïsa, bendicïwa. Jupasti walja marcanacan taycapäniwa, wawanacapasti marcanacapan reyinacaparaquïniwa.

Génesis 17:19

Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Génesis 17:21

Ucampisa arust'äwejj-jja Isaacampiquiw utjayäjja, cawquïri wawtejj jichhajj Sarajj wawacharapcätam acat mä mararojja, ucampi.

Génesis 18:9

Mank'aña tucuyjjatatsti, uca jakenacajj Abrahamarojj jisct'apjjänwa: —¿Cawquinquis Sara warmimajja? —sasa. —Qhä carpancasquiw —sasaw Abrahamajj saraquïna.

Génesis 21:1

Arsutaparjamasti Tatitojj Sara warmirojj ist'änwa, uqhamaraquiw arsutaparojj phokhäna.

Génesis 21:2

Uqhamasti Sarajj usur jakeptänwa, ucatsti Abrahamataquejj mä yokall wawa wawachasïna, cunapachatejj Abrahamajj wali chuymanëjjan ucapacha. Wawasti Diosan arsutaparjamaw horasapar nacïna.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Gálatas 4:23

Uywatan wawapajj janchin munañapatwa naci, ucampis warmipan wawapajja Diosan arsüwipajj phokhasiñapataquiw naci.

Gálatas 4:28

Jilatanaca, jiwasanacajj Isaacjamätanwa, Diosajj arsuwayquis uca wawanacätanwa.