Génesis 17:9 - Qullan Arunaca Uqhamarus Diosajj Abrahamarojj sascaquïnwa: —Ucampisa jumajja uqhamaraqui wawanacamasa nayan arust'äwejjarojj phokhapjjapunim. Aymar Bibliia 1986 Uqhamarus Diosajj Abrahamarojj sascaquïnwa: —Ucampisa jumajja uqhamaraqui wawanacamasa nayan arust'äwejjarojj phokhapjjapunim. Qullan Arunaka DC Diosasti Abraham chacharux saskakïnwa: —Jumampi, wawanakamampix nayan arust'äwixarux phuqhapxapunim. |
Ucürpacharaquiw Abrahamajj Ismael wawaparojj circuncidäna, uqhamarac kawkha sirvirinacapatejj utapan nascatayna ucanacarusa, uqhamarac cawquïri jakenactejj kollkempi alascatayna ucanacarusa circuncidaraquïnwa. Take jakenaca utapan jacapcäna, uqhamarac sirvipcäna ucanacasa circuncidataraquïnwa, cunjämtejj Diosajj siscatayna uqhamarjama.
Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.
Tatitojj qhuyapayasiñamp asqui cancañampipuniw irpi, arusjäwipamp arsutanacapamp imir jakenacarojja.
Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.