Ucampisa Tatitun mä angelapaw wasaranjja jupar jicjjatäna, Shur sisqui ucar sarañäquis uca thaqui jac'ana mä uma jalsu thiyana,
Génesis 16:13 - Qullan Arunaca Cunjämatejj Agarajj Tatitumpi parlataynajja, “Uñjiri Dios” sasaw sutichäna, saraquïnwa: “Diosaw nayarojj uñjasquitu, jichhas jacascaractwa” sasa. Aymar Bibliia 1986 Cunjämatejj Agarajj Tatitumpi parlataynajja, “Uñjiri Dios” sasaw sutichäna, saraquïnwa: “Diosaw nayarojj uñjasquitu, jichhas jacascaractwa” sasa. Qullan Arunaka DC Kunjämatix Agar warmix Tatitumpi parlkatayna ukkhaxa, “Uñjiri Dios” sasaw sutichäna, jupasti sarakïnwa: “Diosaw nayarux uñjitu, ukat jichhas jakaskarakta” sasa. |
Ucampisa Tatitun mä angelapaw wasaranjja jupar jicjjatäna, Shur sisqui ucar sarañäquis uca thaqui jac'ana mä uma jalsu thiyana,
Uca khepatsti Abrahamajj, uca chekarojj aqham sasaw sutichäna: “Tatitojj cunatejj waquisqui ucjja churasiriwa” sasa. Ucatwa jichhacam uca kollojj “Tatitojj cunatejj waquisqui uca churasiriwa” sasa sutichatäsqui.
Wal ajjsaräna, ucatsti saraquïnwa: “Aca chekajj wali ajjsarcañawa. Acanquiwa Diosan utapajja, ¡alajjpachan puncupawa!” sasa.
Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.
Jacobosti uca chekarojj Peniel sasaw suticharaquïna, saraquïnwa: “Diosarojj ajanuy ajanuw uñcatta, ucampisa jacascaractwa” sasa.
Jacobosti Peniel chekatwa mistusincäna, inti jalsu horasaru. Thejjnipa usuchjatätap laycusti cojtasaw saräna.
Ucampis Diosajja janiw cuna jan walsa lurcänti uca jilïri israelitanacarojja, jupanacasti Diosarojj uñjapjjänwa, uqhamarac mank'apjjäna, umapjjaraquïna.
Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.
Ucatsti Gedeonajja mä altarwa Diosataqui waquicht'i ucarusti suticharaquïnwa “Diosawa samarañajja” sasa. Aca altarasti Ofra marcancasquiwa, Abiezer sat familian marcapana.