Génesis 1:5 - Qullan Arunaca

Diosasti khanarojj sutichänwa uru sasa, ch'amacarusti aruma sasaraqui. Uqhamaw kallta urojj phokhasïna.

Aymar Bibliia 1986

Diosasti khanarojj sutichänwa uru sasa, ch'amacarusti aruma sasaraqui. Uqhamaw kallta urojj phokhasïna.

Qullan Arunaka DC

ukatsti qhanarux “uru” sutimpiw uchäna, ch'amakarusti “aruma” sutimpiw ucharakïna. Ukhamaw mayïr urux phuqhasïna.

Génesis 1:5 Jak'a apnaqawi uñst'ayäwi

Génesis 1:13

Uqhamaw quimsïri urojj phokhasïna.

Génesis 1:19

Uqhamaw pusïri urojj phokhasïna.

Génesis 1:23

Uqhamaw pheskëri urojj phokhasïna.

Génesis 1:31

Diosasti take cuntejj lurcän ucanacan sumätapwa uñjäna. Uqhamatwa sojjtïri urojj phokhasïna.

Génesis 1:8

Diosasti uca jaljtayatarojj alajjpacha sasaw sutichäna. Uqhamaw payïri urojj phokhasïna.

Génesis 8:22

“Aca oraken utjañapcamasti, yapuchañasa, apthapiñasa utjascaquipuniniwa, junt'usa, thayasa, juyphipachasa, jallupachasa, urusa, arumasa utjascaquipuniniwa” sasa.

Salmos 104:20

Ch'amacanac uchtajja, ch'amac arum purinipansti, ch'uminquir animalanacajj misturanipjjewa;

Salmos 19:2

Urunacajj jupanaccamaw yatiyasipjje, arumanacasti arum masinacaparuw ist'ayapjjaraqui.

Salmos 65:8

Orak tucuyan jaquirinacajj muspharcañ luräwinacamat qhathatipjje, inti jalsu toketa, inti jalanta tokecamajj, jumïpan cusisiñat art'asiñajj utji.

Salmos 74:16

Jumanquiw urusa, arumasa, jumaw phajjsimpiru, intimpirojj uchtajja;

Isaías 45:7

Nayaw khansa ch'amacsa uscta, sumancañsa, chijinacsa nayaw apayanta. Naya, Tatituw take ucanac lurta.

Jeremías 33:20

“Naya Tatituw sista: Phokhasipuniniwa cuna arust'äwtejj nayajj urumpisa, arumampisa lurcta ucanacajja, uqhamat urus arumasa horasaparu puriniñapataqui.

Números 20:29

Israelitanacasti Aaronan jiwatap yatisajj quimsa tunca urunacaw jupatjja jachapjjäna.

1 Corintios 3:13

Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

Efesios 5:13

ucampis cunapachatejj take uca jan walinacajja khanaru uñstayatächejja, take cunas khanaw yatisi, khanampisti take cunwa uñjasi.

1 Tesalonicenses 5:5

Take jumanacajj khananquirïpjjtawa, urunquirïpjjaractawa. Janiw arumanquirïctanti ni ch'amacanquirïctansa;