Génesis 1:22 - Qullan Arunaca

Take uca animalanac usccatayna ucanacarusti aca arunacampiw bendiciraquïna: “Mirantapjjam kotanacar phokhantañcama, uqhamarac jamach'inacas mirantapjjpan take acapachar phokhantañcama” sasa.

Aymar Bibliia 1986

Take uca animalanac usccatayna ucanacarusti aca arunacampiw bendiciraquïna: “Mirantapjjam kotanacar phokhantañcama, uqhamarac jamach'inacas mirantapjjpan take acapachar phokhantañcama” sasa.

Qullan Arunaka DC

Taqi uka animalanak lurkatayna ukanakarusti aka aski arunak arsüna: “Qutanakar phuqhantañkam mirantapxpan, jamach'inakasti taqi akapachar phuqhantañkam mirantapxarakpan” sasa.

Génesis 1:22 Jak'a apnaqawi uñst'ayäwi

Génesis 1:21

Ucatsti uqhampunïnwa. Diosasti kotan jaquir jach'a animalanacwa uscuraquïna, take casta kotan utjir animalanaca, uqhamaraqui take casta jamach'inaca. Diosasti ucjja wali sumätapwa uñjäna.

Génesis 1:23

Uqhamaw pheskëri urojj phokhasïna.

Génesis 1:28

ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Génesis 30:27

Ucampis Labanajj saraquïnwa: —Kheparaquimaya, janiquiy saramti. Nayajj amuyastwa Tatitojj juma toke nayar bendicitapa.

Génesis 30:30

Janïr nayajj purincäyät ucqhajj uywanacamajj juc'aquïnwa, jichhasti waljäjjewa, purincta ucat acsarusti Tatitojj bendistamwa, ucampisa, ¿cunapacharac nayasti pachpa familiajjataqui irnakasjjaraquïsti? —sasa.

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 8:17

Jumampi cheka ucanquir animalanacsa ansjjaraquim, jamach'inaca, uywañ animalanaca, orakenjam katatnaktir animalanaca, aca oraker aywitatjjapjjañapataqui, uqhamat wali mirantapjjañapataqui” sasa.

Génesis 9:1

Diosasti Noerusa, wawanacaparusa aca arunacampiw bendiciraquïna: “Jichhajj walja wawanacanïpjjam, aca oraksti phokhantapjjaraquim.

Job 40:15

Behemot sata jach'a ajjsarcañ animalaru uñtam, ucajj jumjama nayan lurataraquiquiwa, orko vacanacjama koranacaracwa mank'araqui;

Job 42:12

Diosasti Job chacharojj juc'ampwa bendisjjaraquïna nayra maranacat sipansa. Ovejanacapasti tunca pusini warankäjjänwa, camellonacapasti sojjta warankaraqui, waranka yuntanacani, uqhamaraqui waranka kachu asnonacani cunäjjaraquïnwa.

Salmos 107:31

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 107:38

Tatituw asquip churi, juc'amp jiljjatayi, uywanacap mirantayaraqui.

Salmos 128:3

Uta mankhemansti, warmimajj achuntir uva alir uñtatäniwa; wawanacamasti mank'añawjamar muyuntatajja, ch'ich'tanir olivo alinacar uñtatäniwa.

Proverbios 10:22

Tatitun bendicionapawa kamiriptayi; janiw cuna llaquisiñsa ucampi chicajj apayanquiti.

Levítico 26:9

Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.