Gálatas 1:10 - Qullan Arunaca Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti. Aymar Bibliia 1986 Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti. Qullan Arunaka DC Janiw nayax jaqinakampi walikiw sayasiñ munkti, jan ukasti Diosan nayar walikiw sañap munta. Janiw jaqin munataparjam kusisiyañ munkti. Nayatix jaqinakampi sumat uñt'ayasiñ muniristxa, janiw Criston luqtiripäkxiristti. |
Mä kawkha jupanacanquiritwa qhitapjjäna, uqhamarac Herodesanquirinacatsa Jesusajj ucaru aqham saniñapataqui: —Yatichiri, yatipjjtwa jumajj chek arsurïtamjja, uqhamarac Diosan thaquipatsa wali sum yatichatamjja jakenacajj arusquis ucanacar jan ist'asa. Janiraquiw jumajj jakenacarus alek uñcatasaqui uñjctati.
Jach'a marca apnakeritejj uc yatin ucapachajja, nanacaw jupampejj parlasipcä jan cunsa jumanacar camachañapataqui” sasa.
“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.
Rey Herodesasti wali coleratänwa Tironquirinacataqui, uqhamaraqui Sidonanquirinacataquisa, ucampis jupanacajj mä amtañaniquiw reyin uc jutapjjäna. Jupanacasti Herodesan orakenacapan achquis ucanacampiw jacapjjäna. Janïra Herodesampi jiquiscasajja Blasto chachar sumachasinwa jupa tok sumancañ mayipjjäna. Blastosti rey Herodesan utapanjja mä jilïrïnwa.
Ucjjarusti Pedrompi apostolonacampejj arsupjjänwa: —Nanacanjja Diosar nayrakat ist'apjjañajjaw waquisi, jakenacar sipansa
Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.
Jan ucasti chekpach judiöñajja, take chuymampi iyawsañawa. Circuncidatäñapasti chuyman circuncidatäñawa. Ucasti janiw cuna leyitsa jutquiti, jan ucasti ajayutwa juti. Qhititejj uqhamäqui ucajja Diosampi catokatawa, janiw jakenacampiti.
Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.
Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.
Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.
Irnakcasinsti, jan uywirimajj uñch'uquipctam ucqhaqui lurapcamti, uqhamat jupanacampi sumat uñt'ayasiñataqui, jan ucasti Cristoru sirvirinacjama, Diosan munañap take chuymamp lurapjjam.
Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.
Esclavonacasti uywirinacamarojj ist'apjjaraquim aca orakenjja, janiw jupanacan uñjcataqui cunsa sum lurirjam tucupjjañamäquiti, jan ucasti take chuymaw Diosar ajjsartasa sirvipjjañamajja.
Jan ucasti, Diosajj asquit uñt'apjjetu, pachpa khespiyasiñ arunac parliriw qhitapjjetu, uqhamarjamaw parlasipcaractjja. Janiw jaker cusisiyañ munapcti, jan ucasti chuymanacas uñt'ir Diosaruw cusisiyañ munapjjta.
¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.
Take qhititejj Diosat nacitäqui ucajja, janiw juch lurquiti Diosampi jacatap laycu; janiraquiw juch lurcaraquispati Diosat nacitätap laycu.
Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.