Éxodo 8:32 - Qullan Arunaca Ucampis faraonajj chuymapa kalarayasisajj janiraquiquiw israelitanacar antutañ muncjjaraquiquïnti. Aymar Bibliia 1986 Ucampis faraonajj chuymapa kalarayasisajj janiraquiquiw israelitanacar antutañ muncjjaraquiquïnti. Qullan Arunaka DC 32 (28) Ukampis faraonax wasitat chuymap qalarayasïna, ukatsti janiw israelitanakar khithanukuñ munkxarakikïnti. |
Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.
Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.
Tatitojja Moisesan mayitap ist'asinjja take jach'a chhichhillanqhanacwa apakäna faraonata, sirvirinacapata, uqhamarac take jakenacatsa, janiw maya jach'a chhichhillanqhas jilt'cänti.
Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.
Faraonajj israelitanacan uywanacap uñjiriw qhithäna, ucampis jan maya uywanacapas jiwatap yatisinsti, faraonajj chuymap kalarayasïna, ucatsti janiw israelitanacarojj sarjjapjjañapataquejj antutcjjänti.
¿Tata, cunatrac thaquimat saranucupcta ucqhasti jan jarct'apjjesta, cunatrac chuymanacajjsti kalarayapjjesta jumar jan jaysañataquisti? Sirvirinacamar munatam laycusay sum tucuyapjjeta cawquïri tribunacatejj jumancqui ucanac laycusaya.
Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.
¿Cunatarac jumanacasti egipcio jakenacjam jan amuyt'anïpjjätasti? Faraonar uñtata, jupasti cunapachatejj Israelan Diosapajj ch'amampi jupar uñjäna ucqhaquiw israelitanacarojj antutjjänjja.