Éxodo 8:14 - Qullan Arunaca Ucampis jakenacajja jiwat c'ayranacjja monton montona apthapipjjäna, ucatsti uca montonanacajj take chekanraqui thujstjjaraquïna. Aymar Bibliia 1986 Ucampis jakenacajja jiwat c'ayranacjja monton montona apthapipjjäna, ucatsti uca montonanacajj take chekanraqui thujstjjaraquïna. Qullan Arunaka DC 14 (10) Egipcionakasti jiwat jamp'atunakxa qut qutu apthapipxäna, uraqisti walpun thujsäna. |
Uqhamawa jupanacajj vaca kallu churapcäna uca catusina wact'ayapjjäna, ucatsti jupanacajj alwata chica urucamawa Baal diosaparu jach'at mayipjjäna, aqham sasa: “¡Ist'apjjetay Baal!” sasa. Jupanacasti altar lurapcäna uca thiyana thoktas thoktasaw muyupjjäna, ucampis janiw cuna arusa ist'ascänti.
Chica urusti pasjjänwa, ucampisa jupanacajja arnakasipcaquïnwa, lokhenacjamaraquiw thoknacapjjaraquïna sacrificio loktañ horascama, ucqhacamasti janiw cuna arusa utjcänti. ¡Janiw qhitis ist'ancänti, ni jayscaraquïnsa!
Jawiran jaquir chawllanacasti jiwarapjjänwa. Ucampis uca jawirajja wali thujsätap laycusti egipcionacajj janiw ucat umcjjapjjänti, take Egipto orakenquir umanacaw wilaru tucüna.
Tatitusti Moisesan mayitaparjamasti luränwa, utanacancqui, pationacancqui, pampanacancqui uca c'ayranacajj jiwarjjapjjänwa.
Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.
Tatitusti arsutaparjamajja luränwa, cunayman wila ch'amsuri jach'a chhichhillanqhanacaw jutasina wal phokhantapjjäna mä kenayar uñtata faraonan palacioparu, sirvirinacapan utanacaparu, uqhamarac take Egipto orakpacharu. Ucatsti uca jach'a chhichhillanqhanacajj take marcpachwa tucjawayapjjäna.
Jichhäqui ucansti Egiptonquir jach'a yatirinacajj janiw Moisesampi jiquisir saraña puedipcänti, karachi usojja jupanacar catuntatap laycu, mayni egipcio jakenacarjama.
¡Zoanan jilïrinacapa, cunja lokhëpjjtasa jumanacajja, Egipton suma amuyt'ayirinacapasa, ucampisa uca amuyt'ayirinacajj lokhe amuyt'irinacawa! ¿Cunjämrac faraonarusti sapjjesti: “Nanacajj wali yatiñan jakenacan wawanacapäpjjtwa, nayra reyinacan wawanacapäpjjtwa” sasasti?
Tatitusti marcanacataquejja, uqhamaraqui take ejercitonacapataquisa coleratawa, jiwayañataqui, t'unjañataquiw juchañchascaraqui.
“Uca urunacasti Gog sisqui juparusti mä chekwa Israel marcan churaraquëjja, Valle de los Viajeros, sat kota uñcatasi, ucaru imatäjjañapataqui. Uca chekasti saräwjja jarct'araquiniwa, ucanwa Gog sisqui ucarojj imantjjapjjaraquini, uqhamaraqui takpach ejercitoparusa, ucatsti uca vallerojj Gog sisqui ucan ejercitopan Vallepa sasaw sutichapjjaraquini.
Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”