Éxodo 7:20 - Qullan Arunaca

Ucatsti Moisesampi, Aaronampejj lurapjjänwa cunjämtejj Tatitojj jupanacar siscäna uqhama. Aaronasti, faraonana, uqhamarac faraonan sirvirinacapan uñjcatawa jach'a thujrupampi jawiranquir umaru jisctäna, ucatsti jawiranquir umajja wilaruw tucüna.

Aymar Bibliia 1986

Ucatsti Moisesampi, Aaronampejj lurapjjänwa cunjämtejj Tatitojj jupanacar siscäna uqhama. Aaronasti, faraonana, uqhamarac faraonan sirvirinacapan uñjcatawa jach'a thujrupampi jawiranquir umaru jisctäna, ucatsti jawiranquir umajja wilaruw tucüna.

Qullan Arunaka DC

Ukatsti Moisesampi, Aaronampix kunjämtix Tatitux jupanakar siskatayna ukhamarjamaw lurapxäna. Aaronasti thujrup aytasin jawir umar jisktäna, faraonan uñjkaña, yanapirinakapan uñjkaña, ukatsti jawir umax wilaruw tuküna.

Éxodo 7:20 Jak'a apnaqawi uñst'ayäwi

2 Reyes 4:29

Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Salmos 105:29

jawir umanacap wilaruw tucuyäna, chawllanacaparusti jiwarayänwa;

Salmos 78:44

jawiranacar wilar tucuycän ucata, Egiptonquirinacajj jawiranacat jan umt'irjamäpcän ucata.

Éxodo 4:9

Ucampis aca pä unanchanac uñjcasasa janitejj iyawsapcätam, ni arunacamsa ist'apcaraquïtam ucajja, jawirat uma aptanisawa oraker wartäta uca umajja oraker purisajja wilaruw tucuni.

Éxodo 7:10

Ucatsti Moisesampi, Aaronampejj faraonan ucar sarasinjja cunjämtejj Tatitojj siscäna uqhamarjamaw lurapjjäna. Aaronasti faraonana, uqhamarac jilïri jakenacapan nayrakataparuw thujrupa liwnokäna, ucatsti uca thujrojj mä catariruw tucüna.

Éxodo 7:21

Jawiran jaquir chawllanacasti jiwarapjjänwa. Ucampis uca jawirajja wali thujsätap laycusti egipcionacajj janiw ucat umcjjapjjänti, take Egipto orakenquir umanacaw wilaru tucüna.

Éxodo 7:6

Moisesampi, Aaronampejj cunjämtejj Tatitojj siscäna uqhamarjamaw lurapjjäna.

Habacuc 3:8

Tatay, ¿coleratätati jawiranacataquejja? ¿Colerataraquïtati jach'a kotanacataquejja? ¿Ucatti caballonacamata jaltajja, atipt'iri carromarus kont'astajja?

Apocalipsis 8:8

Ucjjarusti payïri angelaraquiw trompetapjja phust'äna, ucatsti jach'a kotarojj mä nina nacquir kolluw liwintataraquïna, jach'a kotatsti quimsïri partewa wilar tucjjäna.