Éxodo 39:41 - Qullan Arunaca

Carpan lurañanaca phokhañataquisti isjja lurapjjänwa, sacerdote Aaronataquisa suma isinacjja lurarapipjjänwa. Uqhamarac wawanacapataquisa sacerdote isinacjja lurarapipjjaraquïnwa.

Aymar Bibliia 1986

Carpan lurañanaca phokhañataquisti isjja lurapjjänwa, sacerdote Aaronataquisa suma isinacjja lurarapipjjänwa. Uqhamarac wawanacapataquisa sacerdote isinacjja lurarapipjjaraquïnwa.

Qullan Arunaka DC

qullan chiqawjan luqtäwi phuqhañatak p'itat isinaka, Aarón sacerdoten suma isinakapampi, wawanakapan sacerdote isinakapampi.

Éxodo 39:41 Jak'a apnaqawi uñst'ayäwi

Éxodo 28:2

Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Éxodo 28:28

Ucatsti pectoral sat isin argollapsti efod sat isin argollapampjja mä azul cordonampiw chhitthapïta, uqhamata pectoral isejja, efod isin cinturonapata amsta chekancañapataqui, uqhamarac jan jaljtañapataqui.

Éxodo 28:40

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Éxodo 31:10

uca quipcaraqui Aaronataquisa suma sacerdote isinacaracwa lurapjjañaparaqui, uqhamarac Aaronan wawanacapataquisa isinacjja lurapjjañaparaquiwa jupanacana sacerdote luräwi lurapjjañapataqui.

Éxodo 39:1

Sacerdotena Tatitumpi Jiquisiñ Carpana lurañanacapa phokhañapataquisti isjja lurapjjänwa azul telata, wila morado telata, wila telata. Uqhamarac Aaronan yakha horasataqui isinacapsa lurapjjaraquïnwa cunjämtejj Tatitojj Moisesar siscäna uqhamarjama.

Éxodo 39:40

Lurapjjaraquïnwa patiotaqui cortinanaca, poste lawanacapampi, poste tacnokañanacamppacha, cortina patio puncutaqui, cordonanaca, patiotaqui ch'acurunaca, take yänaca uca carpan Tatitur loktañanaca phokhasina apnakañataqui, uqhamarac Diosampi Jiquisiñ Chekan apnakañataqui.

Éxodo 39:42

Israelitanacasti take cunanacsa lurapjjänwa cunjämtejj Tatitojj Moisesar luram siscäna uqhamarjama.