Éxodo 36:2 - Qullan Arunaca

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Aymar Bibliia 1986

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Qullan Arunaka DC

Moisesasti Besalel, Oholiab chachanakaruw jawsäna, ukhamarak suma amuyumpi kunanaksa lurir chachanakaru; jupanakaruw Tatitux luräwinak lurañatak churatayna, yatiñ kankaña, suma chuyma, jupanakax chuymapatjam jutapxarakïna uka luräwinakan yanapasiñataki.

Éxodo 36:2 Jak'a apnaqawi uñst'ayäwi

1 Crónicas 28:21

Acajja sacerdotenacana, uqhamarac levitanacan lurañanacapajja, janc'aquïpjjewa templona sirviñataqui; take lurañanacataquejja utjaraquïtamwa take cuna lurañanacataquis suma chuymaninaca, yanapirinaca, jupanacasti yatipjjewa take cuna lurañanaca; ucatsti jilïrinacasa uqhamarac take marcasa juman arsutaruraquiw ist'apjjaraquini” sasa.

1 Crónicas 29:5

Take korisa, uqhamarac kollkesa waljawa cuna casta metalampi lurañataquisa, uqhamarac cuna lurañanacatejj luririnacapajj munapcani ucanac lurañataquisa. Jichhasti ¿qhitisa asqui chuymampi churañ muni Tatitutaquejja?” sasa.

Éxodo 25:2

“Israelitanacarojja nayataqui ofrenda apthapipjjañapataqui yatiyam. Jumanacasti, apthapipjjätawa qhitinacatejj take chuymampi churañ munqui ucanacata.

Éxodo 25:40

Jichhasti suma amuyumpi luram cunjämtejj kollunjja uñacht'aycsma uca quipcaqui.

Éxodo 28:3

Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Éxodo 31:6

Nayasti juparojj uchtwa Ahisamac sat chachan Aholiab sat yokapan yanapiripata, jupajj Dan sat tribunquiriwa. Uca quipcaraqui take yatiñaninacaruw juc'ampi yatiñjja churaracta, uqhamata jupanacajj cuntejj nayajj siscsma ucanaca lurapjjañapataqui.

Éxodo 35:10

“Take qhitinacatejj suma amuyt'ampi suma yänac lurirïpqui ucanacaw jutapjjañapa Tatitojj cuntejj sisqui take uca yänac lurañataqui:

Éxodo 35:2

Sojjta uru irnakasaw cunanacsa lurañasa, ucampis pakallko urusti jumanacataquejj kollanäniwa, samarasa Tatitur jach'añchañ ururaqui. Ucampis qhititejj uca urojj cunsa lurcani ucajja jiwayatäñapawa.

Éxodo 36:1

Uqhamasti Bezaleel, Aholiab sat chachanacaru, uqhamarac take suma amuyt'an chachanacaruw Tatitojj take casta luraña yatiñanaca, amuyunaca churi, uqhamata Tatitumpi Jiquisiñ Kollana sat chekataqui cunanacatejj munasqui ucanaca lurapjjañapataqui, cunjämtejj Tatitojj siscäna uqhamarjama.”

Éxodo 36:3

Ucampis jupanacajj Moisesatjja catokapjjänwa cawquïr ofrendanactejj israelitanacajj apanipcäna ucanaca, cunanacatejj Tatitumpi Jiquisiñ Carpa lurañataquejja waquisqui ucanac kalltañataqui. Ucampis israelitanacajj ofrendanacjja sapüruw apanipjjäna.

Hechos 14:23

Sapa iglesianracwa jilïri jakenac utt'ayawayapjjäna. Ucatsti oracionampi ayunompi lurasinjja, cawquïr Tatiturutï iyawsapcäna ucaruw catuyawayapjjaraquïna.

Colosenses 4:17

Arquipo jilatarusti aqham sapjjam: “Uñtam, cuna lurañtï Tatitojj churctam ucjja sum phokham” sasa.

Hebreos 5:4

Janiw qhitis jupa pachpatjja jilïri sacerdotëcaspati, ucampis Diosaw jawsi, ucat uca suma jach'añchäwi churaraqui, cunjämtï Aaronar churcäna uqhama.