Éxodo 34:22 - Qullan Arunaca “Semana fiestjja lurapjjaraquïtawa trigona nayrïr achunacapa apakcasina, uqhamarac mara tucusejja cosechanac apthapisajj lurapjjaraquïtawa. Aymar Bibliia 1986 “Semana fiestjja lurapjjaraquïtawa trigona nayrïr achunacapa apakcasina, uqhamarac mara tucusejja cosechanac apthapisajj lurapjjaraquïtawa. Qullan Arunaka DC “Semananaka sata phunchhäwi uruyapxäta, trigon nayrïr achunakap apthapkasina, ukhamarak mara tukusi juyra apthapkasina. |
cawquïri urunacantejj Moisesan leyiparjama loktañajj waquisqui uqhamaru, samarañ uruna, sapa phajjsina kallta urunacana, uqhamarac marcpachana quimsa fiestanacajj utjqui ucanacanaraqui: jan levaduran t'ant'anaca fiestana, semananacan fiestapa, uqhamarac chhujllanacana fiestapanaraqui.
“Ucjjarusti luraraquïtawa fiestjja cosecha apthapiñ kalltañataqui, cunapachatejj yapunacamata nayrïr achunaca apscäta ucqha. Ucjjarojj luraraquïtawa fiestjja mara tucusiru, cunapachatejj jumajj yapunacamata take cosecha apthapiña tucuyjjäta ucqha.
Nayrakat achunactejj Tatitur ofrenda churañäquis uqhamjja, levadursa, misq'sa loktasipcasmawa, ucampisa janipuniw altaranjja suma k'apquiri ofrendjama nact'ayasin loktatäñapaquiti.
“Cunürutejj jumanacajj uca trigo markanaca apapcäta Tatituru mä suma ofrendäcaspasa uqham loktañataqui, samaraña uru pasatata, khepürutjja pakallko semananaca pasayapjjäta.
“Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.
“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.