Éxodo 34:18 - Qullan Arunaca

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Aymar Bibliia 1986

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Qullan Arunaka DC

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Éxodo 34:18 Jak'a apnaqawi uñst'ayäwi

Éxodo 12:2

“Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Éxodo 12:42

Uca arumasti Tatitojj uñch'uquiscänwa Egipto oraketa apsjjañataqui. Uca arumasti Tatitutaqui satawa, ucatwa uca arumanjja israelitanacasa, uqhamarac wawanacapan wawanacapasa suyapjjaraquejja.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:4

Jumanacajj mistunipcta uca urusti Abib phajjsinquiwa.

Éxodo 23:14

“Nayaru jach'ar aptañataquisti maranjja quimsa cutiw fiesta luräta.

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Levítico 23:6

“Uca pachpa phajjsina tunca pheskani uru sarakatarusti, jan levaduran t'ant'anaca mank'aña fiesta amtapjjaraquïta. Pakallko urunacaw jan levaduran t'ant'a mank'apjjäta.

Números 28:16

“Sapa mara kallta phajjsina, tunca pusin uru sarakatarusti, Pascua fiesta lurapjjäta, Tatitun jach'a cancañapat amtasisa.

Números 28:17

Ucatsti tunca pheskan uru sarakatarojj jach'a fiestäniwa, pakallko urunacaw jan levaduran t'ant'jja mank'apjjaraquïta.

Marcos 14:1

Israelitanacan Pascua fiestapataquejj pä uruquejjänwa. Uca Pascua urunacansti jan levaduran t'ant'wa mank'apjjerïna. Jilïr sacerdotenacampi, ley yatichirinacampisti, cunjäm toketsa Jesusar catuntañ munapjjäna jupar jiwayañataqui.

Lucas 22:1

Niya jac'ancänwa jan levaduran t'ant'a mank'añ fiestajja, Pascua fiesta sata.

Hechos 12:3

Judionacatac uqham walïtap uñjasinsti, Herodesajj Pedrorojj catuntayaraquïnwa. Uca urunacasti jan levaduran t'ant'a mank'añ fiesta urunacänwa.