Éxodo 33:16 - Qullan Arunaca Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa. Aymar Bibliia 1986 Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa. Qullan Arunaka DC Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa. |
Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.
Take aca oraken marcanac taypita marcamarojja jumawa Tata yakhachastajja jumataqui, cunjämatï siscäyätajja Moisés sirvirim toke, cunapachatï Egiptot nayra awquinacajjaru apsuncäyäta ucqha” sasa.
Janiw cawquïr marcampis uqhäm lurcänti, qhä marcanacajj janipuniw arsutanacap uñt'apcänti. ¡Tatitojj jach'ar aptatäpan!
Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.
—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.
Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.
Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.
Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.
yatiyapjjaniw Canaán oraken jaquir jakenacarojja. Jupanacasti ist'apjjaraquiw juma Tatitun aca marca taypincascatamjja, jumajja ajanuy ajanu uñjayasitamjja, uqhamarac kenayamasa jupanac patjjancascatapsa; urusa mä kenayampiraquiw jupanacan nayrakatapsa sarascaracta, arumarusti mä ninampirac sarascaracta.
Aca jach'a kalanac patatwa uñjta, aca jisc'a kollunac patatwa uñtaracta; yakhachataw aca marcajj jacaraqui, janiraquiw cawquïr marcjamäquisa.
“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).
Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.
¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?
Jichhasti, ¿cawquïri jach'a marcarac utji, diosanacapampi jupanac jac'ana, cunjämatï jiwasan Tatitu Diosasajj jac'asancqui, sapa cuti cunapachatï jupar mayistan uqhama?